Нэгэн үе дэлхийн хамгийн хөгшин аав хэмээн нэрлэгдэн хэвлэлийн хуудаснаа заларч байсан Энэтхэг эрийн амьдрал тун бүрхэг болоод байгаа гэнэ.
Тэрбээр анх 94 настайдаа аав болж, дараа жил нь дахин хүүтэй болон Геннисийн номд бичигдэж байсан боловч ууган хүүгээ хулгайд алдаад олохгүй байгаа тухай бид өмнө мэдээлж байсан.
97 настай Рамажитийн 23 жил ханилсан эхнэр нь бага хүүгээ аваад түүнээс салж, нэг л өдөр гэрээсээ яваад эргэж ирээгүй байгаа гэнэ.
Одоо тэрбээр дөрвөлжин өрөөндөө ганцаар гуниглан, эхнэр хүүгээ ихэд санаж, эргээд ирнэ хэмээн хүлээж буйгаа ярьжээ. Хэдий зуу насыг дөхөж байгаа ч Рамажит гар хумхин суухгүй гэр бүлээ тэжээхийн тулд газар тариалангийн хар бор ажил хийн, сард 6.50 фунтийн цалин авдаг аж.
Эх сурвалж: Zaluu.com
