Ерөнхий боловсролын сургуулийн сургалтын хөтөлбөрөөс “Эрүүл мэнд” хичээлийг хассаныг иргэний байгууллагууд эсэргүүцэж байна. Өнөөдөр тэдний төлөөллүүд энэ талаар мэдээлэл хийлээ.
Элдэв төрлийн өвчлөл, гэр бүлийн хүчирхийлэл нэмэгдэж буй энэ үед эрүүл мэндийн боловсрол чухал болоод байна. Хүүхдийг багаас нь эрүүл ахуйн суурь боловролтой болгон хүмүүжүүлэхээс их зүйл шалтгаална.
БСШУ-ны сайдын 2014 оны 8 дугаар сарын 26-ны өдрийн тушаалаар эрүүл мэндийн хичээлийг хөтөлбөрөөс хасчээ. Энэ нь судалгаа муутай, үндэслэлгүй шийдвэр болсон гэж иргэний байгууллагууд үзэж байгаа аж. Иймээс Л.Гантөмөр сайдынх нь нэр дээр олон удаа албан бичиг илгээсэн боловч ямар нэгэн хариу өгөөгүй байна. Иргэний байгууллагууд сургалтын хөтөлбөрт сурагчдын заавал сурах хичээлийн тоонд эрүүл мэндийн хичээлийг багтаахыг шаардаж байгаа аж.
Б.Баяр
Эх сурвалж: Tumen.mn
