Энэ долоо хоногийн эхээр Японы Хоккайдо аралд долоон настай хүү төөрч 130 гаруй цэрэг цагдаагийн албан хаагч, орон нутгийн сургуулийн багш, сурган хүмүүжүүлэгчид эрлийн ажилд оролцож, олныг хөдөлгөсөн их ажил болсон. Тэгвэл хүүгийн эцэг хэвлэлд хандаж, бүх нийтээс уучлалт гуйсан байна. Хүүгийн аав Такаюки Танүүка юуны түрүүнд өөрийнх нь хийсэн алдаанаас болж, олон арван хүний цаг завыг үрсэндээ уучлалт гуйжээ. Тэрбээр хүү нь үгэнд нь орохгүй байсан учраас эхнэртэйгээ зөвлөлдөж, ойд орхиж шийтгэсэн байна. Албаныхан хүүг эрэн хайх ажлыг эрчимтэй явуулж байгаа ч 72 цаг өнгөрсөн учир харамсалтай үр дүнд хүрч болзошгүйг эртнээс сануулж, эцэг эхийг сэтгэлийн бэлтгэлтэй байхыг зөвлөжээ. Хамгийн эрсдэлтэй зүйл нь хүүг алга болсон ойд Уссурийн хүрэн баавгай олноор суурьшсанд байгаа юм. Уг баавгай нь биетэй бөгөөд 550 кг хүртэл жин татдаг аж.
С.Дамдин
