БНХАУ-ын умард хэсгийн Чанзи хотод байрлах Чанзи Жанзе арилжааны банкныхан ажилчдаа зодож, шийтгэж байгаа бичлэг онлайнаар тархжээ. Уг хэрэг банкны ажилтнуудын сургалтын дараа болсон бөгөөд хангалттай хэмжээний оноо аваагүй найман ажилтанг ийн зодож шийтгэсэн байна. Бичлэгээс харахад муу дүн авсан гэх найман ажилтанг ээлжлэн дөрөв, дөрвөн удаа өгзгөн дээр нь савааджээ. Мөн түүний дараагаар ажилтнуудынхаа үсийг хуссан гэх мэдээллийг Чанзи хотын захиргаанаас мэдээлжээ.
Энэ хэргээс болж, Чанзи хот дахь банкны салбарын хоёр гүйцэтгэх захирлыг түдгэлзүүлсэн гэнэ. Харин найман ажилтнаа бусдынх нь өмнө шийтгэсэн Жиан Ян гэх сургагч ажилтанд анхааруулга өгсөн гэж Шиньхуа мэдээллийн агентлаг дамжуулжээ. Тэрбээр энэ харгис алхамынхаа талаар тайлбарлахдаа "Тааруу дүн авсан ажилтнуудыг шийтгэсэн хэрэг банкны удирдлагуудтай огт хамааралгүй. Би өөрөө өмнө нь иймэрхүү сургалтын аргын дагуу сурч боловсорсон. Энэ аргаа хэрэглээд ч олон жил болж байгаа" хэмээжээ.
С.Дамдин
