Хавар боллоо, хайр ирлээ гэдэг дээ. Урин цаг ямартаа ч дуучин бүсгүйг гэгэлзүүлсэн бололтой. А.Хишигдалай цахим хуудастаа “хүмүүс нөхөрт гарч байхад би талханд гарч байх жишээний” хэмээн гуниглан бичсэн нь олон хүний анхаарлыг түүн тийш чиглүүлэв. Болоогүй бүтэлгүй хайр дурлалаас нь үүдэлтэй гэж “оношлох” олон ч гарав. Тэрээр “Опозит” хамтлагийн А.Гантулгатай үерхэж байсан бөгөөд хосууд салаад багагүй хугацаа өнгөрч байгаа юм.
Тухайн үедээ шулуухан яриатай Хишгээ "гайгаа жаргалтай эхлүүлсэн юм чинь зовлонг нь үүрэх л ёстой, жам нь ийм юмаа" хэмээн сониуч фенүүдийнхээ зайгүй “ээрсэн” асуултанд хариулт өгсөн нь бий. Нэгэнтээ урлагийн хүнийг ойлгодог сайн найз залуу байсан гэж Гантулгын тухай ярьж байсан тэрээр дахин шинэ дурлалын эрэлд гарах цаг болсон бололтой.
А.ДӨЛ
PHOTONEWS.MN
