Нийслэлийн Засаг дарга Э.Бат-Үүл, НИТХ-ын дарга Д.Баттулга нар 2016 оны 6 дугаар сар 16-ны өдөр хэвлэлийн бага хурал хийхдээ “Нийслэлийн өмнөх удирдлагуудыг ГАЗРЫН МАФИ-ийнхан хэмээн гүтгэж,  тэднийг  хотын даргаар ажиллах хугацаандаа 26.9 их наяд төгрөгийн хууль бус газар олголт хийсэн ч хотын төсөвт ямар ч мөнгө ороогүй” гэх агуулгатай бусдын нэр төр, алдар хүнд, ажил хэргийн нэр хүндийг гутаасан, гүтгэлгийн чанартай мэдээллийг олон нийтэд түгээсэн.

Тэд мэдээлэл хийхдээ Дэлхийн банкны 2013-2015 оны хооронд хийсэн судалгааны материалыг илт гуйвуулан эх сурвалжаа болгон үнэмшилтэй болгохыг санаархсан  байдаг.

Иймд МАН, түүний удирдлагын  нэр төр, алдар хүнд, ажил хэргийн нэр хүндийг гутаасан  гэж үзэж МАН-ын зөрчигдсөн эрх, хууль ёсны ашиг сонирхлыг сэргээх, худал мэдээлэл түгээсэн этгээдүүдээр түгээсэн хэлбэрээр нь залруулга гаргуулах шаардлага бүхий нэхэмжлэлийг МАН-ын итгэмжлэгдсэн төлөөлөгч М.Төрбат шүүхэд гаргасан байна.

Дээрх нэхэмжлэлийг хүлээн авсан  Чингэлтэй дүүргийн Иргэний хэргийн анхан шатын шүүхээс 2016 оны 06 дугаар сарын 27-ны өдөр Э.Бат-Үүл, Д.Баттулга нарт иргэний хэрэг үүсгэн зохих ажиллагааг явуулж байгаа юм байна.

Эх сурвалж: Zaluu.com