“
Авьяаслаг Монголчууд” шоу албан ёсны эрхтэйгээр Монгол HD ТВ хүргэж байгаа билээ. Тус телевизээс явуулж байгаа энэхүү шоу өчигдөр эхэлсэн бөгөөд олон нийтийн сайшаалд нийцэж, хүн бүр л ам сайтай байгаа. Тус нэвтрүүлгийг дөрвөн шүүгч шүүж байгаа бөгөөд шүүгч Rokitbay буюу пуужин Баяраа олны талархалыг хүлээгээд байгаа гэнэ. Энэ тухай УИХ-ын гишүүн Ц.Оюунгэрэл үзэл бодлоо илэрхийлж “Авьяаслаг Монголчууд гоё байлаа! Түргэн хэллэг хамгийн их таалагдлаа. Бас Рокит Бей гэж од байдгийг мэдэж авлаа. Тэр их зөв хүү байх шиг байна” хэмээн жиргэв. Харин түүний хариуд реппер залуу маань “Оюунгэрэл гэж УИХ-ын гишүүн байдгийг мэдэж авлаа” хэмээн тохуурхан хариулжээ.
Эх сурвалж: Шуурхай.мн
