Энэ мягмар гаригт буюу тавдугаар сарын 5-ны өдөр Сонгинохайрхан дүүргийн 29-р хороо, “Хөрс” худалдааны төвийн гадна “Тоёото приус” маркийн автомашины тээшинд эмэгтэй хүний цогцос байсан тухай мэдээллийг манай сайт хүргэсэн. Тодруулбал, Баянзүрх дүүргийн 18-р хороонд оршин суух 27 настай эмэгтэй Б гэгч нь гадны нөлөөтэй амь насаа алдсан байсан бөгөөд цогцос нь уг машины тээшинд байжээ. Тиймээс хэргийг Сонгинохайрхан дүүргийн цагдаагийн гуравдугаар хэлтэст эрүүгийн хэрэг үүсгэн шалгаж эхэлсэн. Тэгвэл энэ хэрэгт цогцыг машины тэвшинд ачиж явсан Төв аймгийн Угтаал сумын харьяат 27 настай эрэгтэй Г гэгчийг сэжигтнээр татсан байна. Сэжигтэн хохирогч эмэгтэйгийн нөхөр байсан бөгөөд тэд нэг хүүтэй аж. Энэхүү хэрэг үйлдэгдэх болсон шалтгаан нь мөн л гэр бүлийн хүчирхийлэлтэй холбоотой байж болзошгүй юм байна.
Эх сурвалж: Шуурхай.мн
