"Исламын улс” бүлэглэлийнхэн Японы хоёр иргэнийг барьцаалж, тус улсаас 200 сая ам.долларыг 72 цагийн дотор өгөхийг шаардсан тухай урьд нь мэдээлсэн билээ. Тэгвэл өнгөрөгч баасан гарагт тус бүлэглэлийнхэн тэдгээр хоёр иргэний нэгийг нь цаазалснаа мэдэгдэв. Японы Ерөнхий сайд Абэ үүнээс хоёр хоногийн өмнө “Бид шаардлагатай бүх арга хэмжээг авна” гэж байлаа. Гэвч тэр амжсангүй. Алан хядагчдын гарт харамсалтайгаар амь үрэгдсэн Японы иргэнийг Харуна Юкава гэдэг ажээ. Тэрбээр бизнес хийдэг нэгэн байсан байна. Лалын хэт даврагсад удахгүй амь үрэгдсэн Юкавагийн толгойг одоогоор тэдний барьцаанд амьд сэрүүн байгаа сэтгүүлч Кенжи Готогийн гарт бариулсан байдалтай дүрс бичлэгийг цахим хуудсанд байршуулан дэлхий нийтэд харуулна хэмээн “Исламын улс” бүлэглэлийнхэн мэдээлсэн байна.
Б.Баяр
Эх сурвалж: Tumen.mn
