Сири дэх Лалын улс бүлгийн эсрэг агаараас цохилт өгч буй АНУ болон ОХУ-ууд агаарын үйл ажиллагааны талаар тохиролцоонд хүрч санамж бичигт гарын үсэг зурсан тухай Пентагоноос мэдээллээ.
Хоёр улсын байлдааны онгоцууд Сирийн агаарын орон зайд цохилт өгч байгаа бөгөөд санаандгүй байдлаар хоорондоо мөргөлдөж, осол гаргахаас болгоомжилж нэг бус удаагийн хэлэлцээр хийж байсан юм.
Сүүлийн тохиолдол буюу өнгөрсөн долоо хоногт АНУ, ОХУ-н байлдааны онгоц хоорондоо нэг милийн зайтай зөрж өнгөрсөн юм. Санамж бичигт мөрдөх хэд хэдэн дүрэм байгаа бөгөөд гол зорилго нь хоёр орны онгоц осол гаргахаас урьдчилан сэргийлнэ гэж ОХУ-н Батлан хамгаалах яамны сайд Анатолий Антонов хэлсэн байна.
Өнгөрөгч сарын сүүлээр ОХУ Сирид Лалын улс болон бусад террорист бүлгүүдийн эсрэг агаараас цохилт өгч эхэлсэн юм. АНУ-н тэргүүлдэг 60 гаруй орны нэгдсэн эвсэл жил гаруйн өмнөөс Сирид тус бүлгийн эсрэг цохилт өгч эхэлжээ.
И.Мөнхцэнгэл
