Хууль зүйн байнгын орооны хуралдаанаар нэлээд хэдэн асуудал хэлэлцсэний  нэг нь Казиногийн тухай хуулийн төсөл байлаа. Казинотой болсноор 2020 он гээд манай орныг чиглэн ирэх жуулчдын тоо нэг саяд хүрч, ДНБ-ний 14 хувийг бүрдүүлнэ хэмээн тооцжээ.  Төслийг нь УИХ-ын чуулганы нэгдсэн хуралдаанд оруулах эсэхийг  шийдээгүй байхад Засгийн газраас хоёр казино байгуулах тухай ярьж буй аж.  Гэхдээ болохгүй  юм бас биш бололтой. Иймээс хуулийн төслийг  байнгын хорооны гишүүдийн олонх нь дэмжиж чуулганы нэгдсэн хуралдаанаар  хэлэлцүүлэхээр болов. Харин Л.Болд нарын зарим гишүүд дэмжсэнгүй.  Л.Болд хэлэхдээ “Засгийн газар энэ хуулиа эргүүлэн татах хэрэгтэй. 1998 оны явдал давтагдлаа. Эхлээд Засгийн газраа унагаасан. Дараа нь казиногийн хууль баталсан шүү дээ. Засаг огцроогүй бол би дэмжих байлаа. Гэвч алдаа давтагдах гээд байна. Хоёрхон казиногийн төлөө Үндэсний зөвлөл байгуулагдаад үүнд нь зориулж хууль батална гэнэ. Доторх хуулийг нь уншаад үзээрэй, үнэхээр инээдтэй. Казинод нь монголчууд орж тогтлож болохгүй” гэлээ.

Б.Баяр  

Эх сурвалж: Tumen.mn