Жендэрт суурилсан хүчирхийллийн эсрэг 16 хоногийн аян нь жил бүрийн 11 дүгээр сарын 25-наас 12 дугаар сарын 10-ны өдрүүдэд тохиодог. Манай улсад анх 1997 оноос эхлэн Хүчирхийллийн эсрэг үндэсний төвөөс энэхүү аяныг зохион байгуулж, түүнээс хойш НҮБ-ын Хүн амын сан, Засгийн газрын байгууллагууд, НҮБ-ын төрөлжсөн байгууллагууд, хөгжлийн түншүүд, иргэний нийгмийн байгууллагууд тус санаачилгад нэгдэж, Монгол Улсад Жендэрт суурилсан хүчирхийллийг таслан зогсоох тал дээр хамтран ажиллаж иржээ. Энэ жил “Нандин бүхнээ хамгаалая: Өөрийгөө, гэр бүлээ, орчин тойрноо” уриан дор зохион байгуулагдаж байна. Энэ жилийн аяны зорилго нь Жендэрт суурилсан хүчирхийллийн асуудлыг олон нийтийн анхаарлын төвд авчрах бөгөөд АМГТГ-аас энэ аянд нэгдэж, “Нандин бүхнээ хамгаалья: Өөрийгөө, гэр бүлээ, орчин тойрноо” ерөнхий сэдэв, уриан дор “Хүчээ урвуугаар биш зөвөөр ашигла”, “Эрхэм бүхнээ нандигная” эмэгтэй, эрэгтэй хүмүүсийг өөр өөрийн амьдралдаа эзэн болж, улам сайн сайхан амьдрахын төлөө эерэг арга замыг сонгож, бие биедээ ижил тэгш, хүндлэлтэй хандахыг уриалж байна.