Монгол Улсад барилгын салбар үүсч хөгжсөний 94 жилийн ой, 2020 оны салбарын шилдэг аж ахуйн нэгжүүдийг шалгаруулах ажиллагаа өнөөдөр Барилгачдын талбайд боллоо.

Энэ үеэр БХБ-ын сайд Б.Мөнхбаатар Монголынхоо нийт барилгачид хөрөнгө оруулагчид, бүтээн байгуулагчиддаа зориулан баяр хүргэж мэндчилгээ дэвшүүллээ.

Тэрээр хэлсэн үгэндээ:

"-Өнгөрсөн 1 жилийн хугацаанд бид салбарын эрх зүйн орчинг бүрдүүлэх бодит ажлуудыг хийж амжууллаа.Тухайлбал

 Хот суурин ариутгах татуургын хуулинд нэмэлт өөрчлөлт оруулж батлууллаа.

 Барилгын салбар дахь ХАБЭА-н чиглэлээр Олон Улсын Конвенцид нэгдлээ.

Хэдийгээр цар тахлын улмаас хүндрэл бэрхшээлтэй цаг үе байсан ч бүтээн байгуулалтын ажлуудаа гйүцэтгэсээр ирлээ.

ЦААШИД

 Саяхан батлагдсан Засгийн Газрын мөрийн хөтөлбөрт тусгуулсан 150 мянган айлын орон сууц хөтөлбөрийг хэрэгжүүлнэ.

 Дан ганц орон сууц гэлтгүй, Сургууль цэцэрлэг эмнэлэг гэх олон төрлийн бүтээн байгуулалтын төслүүдийг үргэлжлүүлэн хэрэгжүүлнэ.

 Нийтийн аж ахуйн салбарын ажлыг эрчимжүүлнэ.

 Хот байгуулалтын асуудалд онцгой анхаарч, дагуул хотуудын төлөвлөтийг УИХ-аар батлуулж, Хөшигтийн хөндийд ирэх жилүүдэд хийгдэх бүтээн байгуулалтын эхлэлийг тавьлаа.

 Улсын төсвийн хөрөнгө оруулалтаар баригдах бүх төсөл арга хэмжээнийзураг төслийг өмнө салбарын яамд хариуцдаг байсан бол Засгийн Газрын шийдвэрээр цаашид БХБЯаманд бүх зургийг төвлөрүүлж, хариуцан ажиллахаар болсон зэргийг онцлон тэмдэглэлээ.

Эх орныхоо хөгжлийн төлөө, та бидний ая тухтай амьдралын төлөө хөлс хүч, хөдөлмөр зүтгэлээ зориулж яваа Барилгын салбарынхандаа,

БАРИЛГАЧИДДАА БАЯРЫН МЭНД ДЭВШҮҮЛЬЕ