“Шинэ үе” продакшны жүжигчин Ц.Алдармаа, Д.Оюунтуул нарын хэргийг өнгөрсөн сарын 16-нд Эрүүгийн хэргийн хоёрдугаар шүүхээс шүүн тасалсан юм. Хаалттай хуралдсан энэхүү шүүх хурлаас жүжигчин Ц.Алдармаад эрүүгийн хуулийн 99.1 буюу онц хэрцгийгээр бусдын биед хүнд гэмтэл учруулсан гэдэг үндэслэлээр 7 жил 10 хоног хорих ял, жүжигчин Д.Оюунтуулд хөдөлмөрийн хөлсний доод хэмжээг 7 дахин нэмэгдүүлсэнтэй тэнцэх хэмжээний мөнгөн торгууль оногдуулахаар шийдвэрлэсэн. Харин шүүх хурлын дараа Ц.Алдармаагийн өмгөөлөгч “Шүүх урьдаас төлөвлөөд байсан ялын дүгнэлтийг л шууд баталчихлаа. Хэт нэг талыг барьсан шийдвэр боллоо. Тиймээс давж заалдана” гэж байсан юм. Тэгвэл тэрхүү давж заалдах шатны шүүх хурал маргааш буюу энэ сарын 20-нд Нийслэлийн шүүхэд болох ажээ.
О.Баяр
Tumen.mn
