"Исламын улс" гэдэг террорист бүлэглэлийн аймшигт сүрдүүлэг интернэтэд цацагдлаа.

Террорист бүлэглэлийн гишүүд цуврал дэлбэрэлт зохион байгуулж, дэлхийн том хотуудын хамгийн алдартай түүхэн дурсгалт газруудыг устгана гэж Абу Мухамеда Аль-Аданани гэгч этгээд мэдэгджээ.

"Америкийн Цагаан ордон, Лондоны Биг Бэн, Парисын Эйфелийн цамхагийг дэлбэлэх болно. Манай "Исламын улс" байгууллага алдарт "Боко Харам" бүлэглэлтэй хамтран ажиллана" гэж Аль-Аданани ярилаа.

Сануулахад, "Боко Харам" террорист бүлэглэл өнгөрсөн жил 120 гаруй сурагч охидыг хулгайлсан бөгөөд одоо ч энгийн номхон хүн ард руу цуст халдлага үйлдсээр байгаа билээ.

"Тэд алж хөнөөж байна, гэхдээ тэд өөрсдөө алагдах болно. Бид Аллахын төлөө Парисаас өгсүүлээд Ром хүртэл хотуудад халдан довтолж, тэдний амьдралыг сүйтгэнэ. Цагаан ордон, Биг Бэн, Эйфелийн цамхагаас гадна Кабул, Карачи, Кавказ, Кум, Эр-Рияд, Тегеран, Багдад, Дамаск, Иерусалим, Каир, Сану, Доху, Абу-Даби, Амманыг ч дэлбэлнэ. Яагаад гэвэл, мусульманчууд хаа сайгүй эрх мэдлийг гартаа буцаан авах ёстой. Бид та нарыг санаандгүй байхад яваад очно" гэж террорист сүрдүүлжээ.

Эх сурвалж: www.mnews.mn