Ерөнхий сайд Ч.Сайханбилэгийн улс төрийн нөхцөл байдал тогтворгүй болж иржээ. Давхар дээлтэй зургаан сайдыг томилох үеэр УИХ-ын гишүүн Г.Уянга Ерөнхий сайдыг огцруулах тогтоолын төсөлд гишүүдээс гарын үсэг цуглуулж байгаагаа мэдэгдэж байсан удаатай.
Тэгвэл тэрбээр өөрийн сошиал сүлжээгээр уг тогтоолын төсөлд гарын үсэг зурсан гишүүдийг ил болгов.
Эдгээр дунд "Шударга ёс" эвслээс Г.Уянга, Л.Цог, О.Баасанхүү, МАН-аас Б.Бат-Эрдэнэ, АН-аас Р.Амаржаргал, бие даагч Х.Болорчулуун, Ц.Даваасүрэн, С.Ганбаатар зэрэг гишүүд огцруулах саналтай байгаа аж. Эдгээр найман гишүүн одоогийн байдлаар дээрх албан бичигт гарын үсэг зураад байгаа юм. Эх сурвалж www.wikimon.mn
