Замын хөдөлгөөний ачааллыг бууруулах зорилгоор өнгөрсөн хоёрдугаар сарын 16-наас эхлэн Улаанбаатар хотод үйл ажиллагаа явуулдаг улсын болон хувийн цэцэрлэгүүд 07.30-08.30 цагийн хооронд хүүхдээ хүлээн авч, 17.00-18.00 цагийн хооронд тардаг болсон. Дээрх цагийн хуваарь энэ хичээлийн жилд ч мөн адил мөрдөгдөх бөгөөд дотоод журмаар цагийн хуваарийг өөрчилж болохгүй гэдгийг албаны эх сурвалж мэдээллээ.
Хэрэв эцэг, эхчүүд хүүхдээ цагт нь авахгүй багш нарыг 18.00 цагаас хойш илүү цагаар ажиллахад хүргэвэл хуулинд заасны дагуу төлбөрийг эцэг эх хариуцах аж. Үүнтэй холбогдуулан, зарим эцэг, эхчүүд 18.00 цаг ажил тарах цагтай давхцаж байгаа учраас тарах цагийг 18.30 болгож өгнө үү гэсэн хүсэлтээ Нийслэлийн боловсролын газарт гаргасан ч “Өглөөний 07.30 цагаас хойш тасралтгүй 10 цаг ажилласан хүнийг 18.30 цаг хүртэл ажилла гэх эрх бидэнд байхгүй” тарах цагийг сунгах боломжгүй гэжээ.
Т.Болор
