Эгэл жирийн иргэдийнхээ төлөө энэ биеэ хайрлахгүй зүтгэнэ ярих тусмаа улстөрчид худлаа болдог гэдгийг бидний олонх нь ухаардаг болоо биз ээ. Тэгвэл популизм хийхдээ гаргуун сайн, ачир дээрээ бол өөр эрх ашигтай байж болзошгүй гэдгээ харуулах болсон экс Ерөнхийлөгч маань бусад увайгүй улстөрчдөөс илүү дээрдэх юмгүй нэгэн гэдгээ хүлээн зөвшөөрөх цаг болсон баймаар. Төр түмний хөрөнгөнөөс огт идэж уусан юм байхгүй, хууль шүүхийн байгууллага харин намайг гүтгээд байна гэх гээд байдаг тэрбээр гуравдагч орнуудад хөрөнгөө нуусан бэлтэн гэдгээ ч ард түмэндээ хэлэх цаг болсон баймаар. Нэгэнтээ судлаач П.Дүгэр Н.Энхбаярын нуусан хөрөнгүүдийн талаарх мэдээллийг гаргаж байв. Яг тэр үед нь Н.Энхбаярыг сонины байшин, зочид буудал, ГОК-д шахсан ган бөмбөлөгийн хэргээр байцааж байсан байдаг. Харин түүний болон түүний гэр бүлийнхний нэр дээр байдаг, асар үнэтэй үл хөдлөх хөрөнгүүдийг ямар эх үүсвэрээр авсан болохыг хэн ч сонирхохгүй байгаа нь гайхалтай гэдгийг тэр хэлж байсан юм.
Ер нь бол Н.Энхбаяр уул уурхайн талаар Хятадуудтай хамгийн их наймаа хийдэг хүн гэгдэж ирснийг “Аалзны тор”-д өгүүлсэн нь бий. Тодруулбал, 2009 оны Ерөнхийлөгчийн сонгуулийн өмнө Бээжинд эмнэлэгт хэвтэж байгаа ээжийгээ эргэнэ гэж сонгуулийн компанийн ид үеэр урагшаа явсан нь монголын чөлөөт хэвлэлийн хараанаас мултраагүй. Үнэндээ ээж нь биш хадам нь, хоёрдугаарт жинхэнэ төрсөн охин нь энэ үед Солонгос явж байсан, гуравдугаарт эмнэлэгт нь очоогүй. Тэрээр буудалд хятадын олон компанитай уулзсан. Охин дүү нь Бээжингийн хамгийн тансаг үнэтэй одууд суудаг хотхонд хаус авсныг юугаар тайлбарлах вэ? Сингапурт төрийн ажил хийж байсан, ганц бие хүн хаанаас ийм их мөнгө олов?, хил дээр байдаг алтны ордод сонгуулийн дараа зөвшөөрөл өгнө, одоохондоо цаанаас нь ухаад бэлтгэлээ базааж байж болно гэсэн аман зөвшөөрөл өгсөн байдаг. Австрали, АНУ-ын нэр бүхий улс төрийн болон бизнесийн хүмүүст явуулсан Ерөнхийлөгчийн захидалдаа таван хүний бүрэлдэхүүнтэй төлөөлөгчөө хэлэлцээр хийлгэхээр явуулж байгаагаа дурдаад үүнд туслахыг хүсч нэрсийг илгээсэнд Тамгын газрын дарга Билэгт ба дөрвөн Хятад хүний нэр байдгийг юу гэж тайлбарлах вэ? Төмөртэйн ордын 50 хувийг хятадууд, 25 хувийг монгол хүн, 25 хувь нь Энхбаярын эхнэрийн дүүгийн нэр дээр байсан боловч энэ чимээ гарч эхлэнгүүт хувиа зарсан. Москвад Кутузовын өргөн чөлөөнд дүүгийнх нь нэрээр байр байсан боловч чимээ гарангуут бушуухан зарсан нь бараг сая долларын өртөгтэй. Эхнэрийнх нь дүү, түүний нөхөр хоёр Сан Францискод 4 сая долларын байртай байгаа нь хэний мөнгө вэ? Нэмж хэлэхэд тэд ажилгүй цагаачилж суугаа улс шүү дээ. Байгаль нуурын эрэгт ээжийнх нь нэр дээр цогцолбор байгаа, байгууламжийн бүтээн байгуулалтыг тухайн үеийн Сэлэнгийн гаалийн дарга биечлэн удирдаж байсан. Хэний мөнгө вэ? гэхчлэн их мөнгөний асуудалтай холбоотойгоор олон асуулт Н.Энхбаярыг чиглэн тавигдаж ирсэн байдаг.
Тэрчлэн Н.Энхбаярын хүү Э.Батшугар нэр дээр АНУ-ын Калифорни мужийн Геркулес хотын Топаз-ийн 124 (124 Topaz Court, Hercules CA 94547) хаяганд 4 давхар хаустай. Энэ хаус нь унтлагын 4 өрөө, ариун цэврийн 3 өрөөтэй, 2 060 ам дөрвөлжин фийт буюу 630 кв.м хэмжээтэй хааны ордон шиг л саруулхан өргөө. Үл хөдлөх хөрөнгийн үнэлгээ нь 773 мянган доллар. Үл хөдлөх хөрөнгийн үнэ оргилдоо хүрч байсан үед 850 мянган доллараар үнэлэгдэж байсныг П.Дүгэр хэлж байсан.
За мөн тэрбээр хэлэхдээ “Америктаа амьжиргааны өртөг өндөртэйд тооцогддог Массачусеттс мужийн Уолтем хотын Staerns Hiil 5006 хаягтай байшинг олоод өндөр үнэтэй энэ байр хэнийх вэ гэдгийг нь асуучих. Яг энэ хотдоо Staerns Hiil 2909 хаяган дээр мөн л тэр хүн үл хөдлөх хөрөнгө эзэмшдэг юм. Энэ ноёнтон бол Энхбаярын Батшугар. Хорин тавхан настай энэ жаал энэ их хөрөнгийг яаж олсон байх вэ? Эдгээр үл хөдлөх хөрөнгүүдийн үнэ чухам хэдэн сая доллар гэдгийг шударга даруугаасаа болж хохирч яваа гэж матрын нулимс унагадаг Н.Энхбаяр ба түүний гэр бүл л мэдэж байгаа байх.” гэж байв. Экс ерөнхийлөгчийн хаусууд ингээд дуусахгүй ээ.
Английн нийслэл Лондон хот. Энэ харшид Н.Энхбаярын эхнэр О.Цолмонгийн нэр дээр асар үнэтэй байр бийг хэлсэн байдаг. Мөн ОХУ-ын нийслэл Москва хотын Кутузовын өргөн чөлөөнд сая шахам долларын үнэтэй байрыг Н.Энхбаярын дүү эзэмшиж байгаад хэл амнаас айхдаа зарсан байдаг юм. Мөн эхнэр О.Цолмонгийнх нь нэр дээр Лондонд хэдэн давхар харш бий. Энэ тансаг харшид эдний гэр бүлийн хэдэн зуун кв метр байр байдаг, хэдэн паундын үнэтэй болох, ямар мөнгөөр өөрийн болгосон гэдгийг “Шударга ёс” эвслийн толгойлогчоос асуугаарай гэж байв. За мөн БНХАУ-ын нийслэл Бээжин хотын чинээлэг дүүрэгт түүний дүү Н.Энхтуяагийн нэр дээр сая доллараар үнэлэгдэх үл хөдлөх хөрөнгө байгаа талаар ч хэлсэн байдаг. Ер нь бол мэдээллүүдээс үзэхэд Н.Энхбаяр нь америк, ази, европт үл хөдлөх хөрөнгийн цуглуулгатай хэмжээлшгүй баян хүн л гэж ойлгогдож байна.
Хүү Э.Батшугар, эхнэрийнх нь дүү О.Алтан нар 2007 онд Швейцарьт компани байгуулж, арилжаа хийж байсан, ээжийнх нь дүү гэх 70 гарсан хөгшний нэр дээр алт, газрын ховор элементийн таван лизенц байсан гэхчлэн анхаарал татсан олон мэдээллүүд бий.
Экс ерөнхийлөгчөөс эцэст нь дахиад асууя. Хэний мөнгө вэ?
Эх сурвалж: Б.Тамир, Шуурхай.мн
