Ерөнхий сайдад нэр дэвшсэн Ч.Сайханбилэгийг дэмжих эсэх талаар УИХ дахь нам, эвслийн бүлэг, фракцууд өөр өөр байр суурь баримталж буй тодорхой боллоо. АН-ын “МҮДН” фракцийнхан Ч.Сайханбилэгийг дэмжихгүй гэв. Үүний адил УИХ дахь “Шударга ёс” эвслийн бүлгийн Х.Уянга нар “Н.Алтанхуягийн Засгийн газарт байсан хүн Ерөнхий сайд болох нь ялгаагүй түүний засаглал дахин тогтсонтой адил. Тиймээс дэмжихгүй” гэсэн байна. Мөн МАН-ын Удирдах зөвлөлийн гишүүдийн олонх нь Ч.Сайханбилэгээс татгалсан гэнэ. Гэхдээ тус намын Удирдах зөвлөлөөс УИХ дахь намын бүлгийн гишүүддээ энэ асуудлыг нээлттэй үлдээсэн гэж зарим эх сурвалж хэлж байна. Ч.Сайханбилэгийн хувьд намынхаа ҮЗХ-оос өгсөн чиглэлийн дагуу парламентад суудалтай намуудтай зөвшилцөх нь юу юунаас чухал болоод байгаа юм. Тиймээс ч МАН-ын удирдлагуудтай “сэм” тохиролцох алхамуудыг хийж буй ажээ.
О.Баяр
Tumen.mn
