УИХ-ын гишүүн, Цахим Хөгжил, Харилцаа Холбооны сайд Н.Учрал Нийслэлийн нутаг дэвсгэрт үйлчилгээ эрхлэх 86 төрлийн үйлчилгээг E-Mongolia платформд нэвтрүүлсэн талаар мэдээлэл хийлээ.

Энэ үеэрээ тэрээр: " УИХ-аас Зөвшөөрлийн хуулийг батлан гаргасан. Энэ хуулин дээр бол нийтдээ 360 зөвшөөрлийн жагсаалт багтсан байгаа. УИХ-ын гишүүд болоод иргэдийн зүгээс зөвшөөрөлд багтсан, зөвшөөрөл гэсэн нэргүй ч зөвшөөрлийн хэлбэртэй олон бүртгэлүүд байна.

Энэ үйлчилгээнүүдийг авахад яг л зөвшөөрөл шиг шаардлага тавьдаг. Хүсэлтээ илгээгээд хүлээх хугацаа нь маш урт. Зөвшөөрөл нь ямар шалтгаанаар гарсан нь тодорхой бус, үйлчилгээ явуулахад, бизнес эрхлэхэд хүндрэлтэй байна гэдэг хүсэлт, гомдлыг тавьдаг байсан. Бид Зөвшөөрлийн хуулинд заасан тусгай зөвшөөрөл, энгийн зөвшөөрөл гэсэн ангилалд байгаагаас бусад төрлийн үйлчилгээнүүдийг ямар нэгэн байдлаар зөвшөөрөл олгохгүй байх ёстой гэдэг концевцийг барьж ажиллах ёстой гэдгийг ажил хэрэг болгохоор e-business-ийг emongolia-гийн үндсэн системд холбосон. Нийслэлээс цахим хэлбэрээр үзүүлдэг хамгийн эрэлттэй 10 үйлчилгээг бид emongolia-д оруулсан. Өнөөдөр бид та бүхэнд нийслэлээс олгодог 76 үйлчилгээг emongolia-д оруулж байна. Нийслэлийн ямар үйлчилгээ авах хүсэлтэй байгаагаа нэг кноп дараад илгээнэ. Ингэснээр шууд уг ажлаа эхлүүлэх эрх нээгдэнэ. Ямар ч зөвшөөрөл хүлээхгүй. Зөвшөөрөл илгээгээд хуулийн хугацаа дуусахад хариу ирээгүй бол олгогдсонд тооцно" гэв.