Шилэн Цогоо буюу Зам тээврийн дэд сайд асан Б.Цогтгэрэл МАН-ын томилгоонд хамрагдаагүй учраас иргэний ажлаа хийгээд эргэн иржээ. Тэрээр Монголбанкны Шилэн дансыг ухаж байгаад 107,000,000₮ нэг оройны найр наадам хийсэн баримтыг олжээ.
Уг арга хэмжээнд Монголбанкны 500 гаруй ажилтнууд оролцож ууж идэж наргиж цэнгэсэн байна. Фантастик продакшнд шоуны арга хэмжээг бүрэн хариуцаж 28 сая төгрөг авсан бөгөөд ШангриЛа зочид буудалд ууж идсэний төлбөр болгон 69,6 сая төгрөг төлжээ. Мөн Би Ар Би ХХК-д 8,8 сая төгрөгийг энэ арга хэмжээний төлбөр хэмээн шилжүүлсэн байна.
Монголбанкны зүгээс мөн энэ мэдээлэлд няцаалт өгч "ТАЛ МӨНГИЙГ НЬ МАНАЙ АЖИЛЧИД ГАРГАСАН ТАЛЫГ НЬ ТӨСӨВӨӨС ГАРГАСАН" хэмээн гал дээр тос нэмжээ.
Энэ байдалд дургүйцсэн Шилэн Цогоо "ТАЛ МӨНГӨӨ Ч ТӨЛ 3 ХОНОГИЙН ХУГАЦААНД БҮХ УУЖ ИДСЭН ХУЛГАЙЧ НАР МӨНГӨӨ ТӨЛ" гэж шаарджээ.
Хэрэв энэ мөнгийг төлөхгүй бол Монголбанкны Ерөнхийлөгч Б.Лхагвасүрэнг огцруулах хүсэлтээ АТГ, Нийслэлийн прокурорт гаргахаа Шилэн Цогоо өөрийн албан ёсны цахим хуудасаар мэдэгдээд байна.
