Тээврийн цагдаагийн албанаас санаачлан Монгол улсад гэмт хэргээс урьдчилсан сэргийлэх ажлын зохицуулах зөвлөлийн ажлын алба, Тээврийн прокурорын газартай хамтран "Гэмт хэргээс урьдчилан сэргийлэх тухай хууль"-ийн хэрэгжилтийг хангах ажлын хүрээнд “Авто тээврийн үндэсний төв” ТӨҮГ болон хот хоорондын нийтийн тээврийн үйлчилгээ эрхэлж байгаа 17 аж ахуй нэгж байгууллагуудын удирдлага, төлөөллийг оролцуулсан “Зам тээврийн осол, хэргээс урьдчилан сэргийлэх нь” сэдэвт ажил хэргийн уулзалт, зөвлөгөөн 2019 оны 12 дугаар сарын 19-ний өдөр зохион байгуулагдлаа.

Уулзалт, зөвлөгөөний үеэр 2015-2019 оны хооронд хот хоорондын нийтийн зорчигч тээврийн хэрэгсэл холбогдсон зам тээврийн осол, хэрэг, зөрчлийн тоон мэдээллийг танилцуулж, тухай тээврийн хэрэгслээр зорчиж байгаа иргэдийг аюулгүй зорчуулах, аж ахуй нэгж байгууллагуудын тээврийн хэрэгслийн техникийн бүрэн бүтэн байдлыг хангуулах, Монгол улсын зам, тээврийн сайдын 2015 оны 12 дугаар сарын 10-ны өдрийн өдрийн 339 дугаар тушаалаар батлагдсан “Жолооч хөдөлмөр амралтын горимыг мөрдөх тухай” зөвлөмж, цаашид хийж хэрэгжүүлэх ажлын талаар хэлэлцжээ.