Өнгөрсөн шөнө "Sanday plaza" худалдааны төвд гал гарчээ. Тодруулбал аравдугаар сарын 10-11-нд шилжих шөнийн 01-03 цагийн үед Баянзүрх дүүргийн 14-р хорооны нутаг дэвсгэрт байрлах "Сандэй плаза" худалдааны төвийн нэг давхар нь бүхэлдээ шатаж, дөрөв хүртэлх давхар нь галд өртсөн байна.
ОБЕГ-т шөнө ирсэн дуудлагын дагуу Онцгой байдлын дөрвөн ангийн нийт 45 албан хаагч гал унтраах үйл ажиллагаанд оролцож, галыг бүрэн унтраасан байна.
Хэргийн газарт мэргэжлийн шинжээчид ажиллаж байгаа бөгөөд тус төвийн хаалгыг лацдаж, цагдаа болон онцгой байдлынхан байрыг хамгаалтад авчээ.
Тус төвд гал гарсан нэг хэсэгтэй ажиллахгүй бөгөөд одоогийн байдлаар түрээслэгчдийг оруулж, бараа бүтээгдэхүүнийг нь бүртгэн авч байгаа аж.
Дашрамд дурдахад "Sanday plaza"-д өнгөрсөн 2013 онд мөн гал гарч байсан юм.
Д.Үржин
