нийтлэсэн Admin
XVII жарны модон хонь жилийн сар шинийн босгон дээр төрийн хишиг хүртэн Монгол Улсын Тод манлай уяач цолоор шагнагдсан Банзрагчийн Билэгдэмбэрэл хэмээх эр Монголын тэргүүн баячуудын дунд адууныхаа тоо толгой, бас үнэ өртгөөрөө толгой цохиж эхлээд байна. 2000 оноос хурдан хүлгийн уяа сойлго тааруулж, улс, бүсийн наадмаас 24 айраг, түрүү хүртсэн Банзрагчийн Билэгдэмбэрэлийн эрэмбэ дээшлэн сүүлийн 2-3 жил Тод манлайн таамагт багтаж байсан. Лүн сумын хүү ийнхүү хонин жилийн босгон дээр цолоо ахиуллаа. Монгол адууны хурдлах чадварыг нэмэгдүүлж, сайжруулахад олон жилийн хөдөлмөрөө зориулж, өөрийн гэсэн удмын адууг бий болгон, унаган адуунууд нь улсын бүсийн наадамд цахиур хагалан хурдалж буй тэрээр энэ ондоо багтаан дээрх сэдвээрээ докторын зэрэг хамгаалах гэнэ лээ. Тэрээр Жаргалант, Сүхбаатар, Англи, Дорнод, Араб, Барга азаргануудад Хэнтий, Сүхбаатар, Төв, Дорнод аймгуудын угшил сайн гүүнүүд, Тойруулга, Барга, Эрлийз, Араб, Англи гүүнүүд хураалгасан. Төв аймгийн Лүнгийн Жамъяндоржийн буурал духт хүрэн азарганы төл гүүнүүдийг Англи хээр азарганд хураалгаж цөм сүрэг бүрдүүлж эхэлсэн. Унаган адууны гурав дахь жилийн төлийг үзэж байгаа гэнэ. Түүний уяанд Үндсэн хуулийн цэцийн дарга Ц.Бямбадорж, Д.Батбаяр, Монголын улсын алдарт уяач Э.Ганбат, манлай уяач С.Ганхуяг нар байдаг. Уг ннь бизнест бол тэр шинэ хvн. Богино хугацаанд чамлахааргvй амжилтанд хvрсэн тvvнийг өрсөлдөгчид нь “хоосонгvй толгой″ хэмээн vнэлдэг. Германд боловсрол эзэмшсэн шавилхан шар залуу “Итгэлт-Орших” төвийн эзэн болтлоо өссөн тvvх тийм ч дэлгэрэнгvй биш. Ямартаа ч тvvнийг бизнест энэ зэргийн амжилт гаргахад гэргий Мөнхцэцэгийнх нь нөлөө их байсан гэж ярьдаг. Нэгэн цагт нэрт зохиолч Ч.Лодойдамбын бэр явсан Мөнхцэцэг бvсгvй, экс нөхрийгөө элчин сайдаар сууж байх vед Солонгосын банкуудаас ихээхэн хэмжээний зээл авч чадсан сvйхээтэй нэгэн гэгддэг. Тvvний буянаар “Женко” Баттулга, “Жем”- ын Цэрэнпунцаг, “Симба”- Батсайхан, “Голомт”-ын Болдхуяг нарын Монголын нөлөө бvхий бизнесменvvд бизнесээ өргөжvvлэх хөрөнгөтэй болсон. Хэвлэлийнхнээс ангид байхыг эрхэмлэдэг Мөнхцэцэг хатагтай Х.Баттулгын гэргий Энхтуяатай дотны найзууд бөгөөд аливаад гар, сэтгэл нийлдэг найзууд. Харин Б.Билэгдэмбэрэлийн хувьд хурдан моринд нугасгvй нэгэн.
“Стресс тайлах ганц эм” хэмээн ярьдаг энэ эрхэм моринд бол гар татдаггvй. Ямартаа л уяачдын дунд адуунд сая доллар зарцуулсан гэх яриа бий. Гэхдээ шигшмэл морьдын “Их хурд” уралдаанд аман хvзvvдэж, олноо Буган хээр хэмээн алдаршсан хурдан хvлгийг 17 сая төгрөгөн дээр хурдан азарга өгч авсныг мэдэх хvн олон. Араб, Англи цэвэр цусны адуу цөөнгvй оруулж ирсэн ч тэднийгээ уралдуулахаас илvvтэй цус сэлбэхэд ашиглана хэмээн ярьж, морь зөөдөг машинаа тааруухан амьдралтай айлаас ч илvv тохилог зассан нь тvvний адуундаа тавьдаг халамжийг илэрхийлнэ. Тэрээр хотын төвд байрлах “Итгэлт орших” төвөө худалдаж, бараг бүх мөнгөөрөө адуу худалдаж авсан энэ эр адууны дуудлага худалдаа зохион байгуулж багагүй ашиг орлого олдог гэнэ.
Эх сурвалж: Шударга.мн
