АТГ хуулийн хугацаандаа буюу өнгөрөгч оны 1 дүгээр сарын 1-нээс энэ оны 4 дүгээр сарын 26-ны хооронд хүлээж авсан ашиг сонирхлын зөрчлийг тодруулах 10036 мэдүүлгийн 97.1 хувийг хянаж дуусаад холбогдох газруудад хариуг нь хүргүүлжээ.
АТГ нийтийн албанд томилогдохоор нэр дэвшсэн этгээдийн хувийн ашиг сонирхлын урьдчилсан мэдүүлгийг хянаж, тухайн байгууллагын томилох эрх бүхий албан тушаалтанд мэдэгдэх хуультай.
Үүний дагуу нийтдээ 10036 мэдүүлгийг хянаж 8505-д ашиг сонирхлын зөрчилгүйг тодруулсан байна. 553-д нь ажлын байрны тодорхойлолт болон хуульд заасан шаардлага хангаагүй, ашиг сонирхлын зөрчил үүсэх нөхцөлтэй байгааг анхааруулсан байна.
Харин 41 этгээдэд тухайн албан үүргийг гүйцэтгэхэд илт ашиг сонирхлын зөрчил үүсэхээр байна гэсэн хариу өгчээ.
Ж.Батсайхан
Эх сурвалж: "Монцамэ" агентлаг
