Дуучин Шакира Холливудын од Том Крузтай амрагийн холбоотой байж магадгүй гэсэн таамаглал газар авч буй тухай Fox News мэдээлэв. “Formula 1” Майами Гран При уралдааны үеэр уран бүтээлчид хамт байгаа зургууд сүлжээнд гарчээ. Энэ өдрүүдэд алдарт жүжигчин Лондонд болсон III Чарльзийн хаан ширээнд залрах ёслолд уригдсан байсан ч оронд нь дуучин бүсгүйтэй өнгөрүүлсэн бололтой гэж мэдээнд тэмдэглэжээ. Шакира хөлбөмбөгчин Жерар Пикетэй гэр бүл болон хоёр хүүхэдтэй болсон ч 2022 оны 6 сард гэрлэлтээ цуцлуулсан тухай мэдээ гарч байсан. Салах болсон шалтгаан нь тамирчин залуугийн эхнэрээсээ өөр олон бүсгүйчүүдтэй нэр холбогдсон явдал байжээ.
