Хууль зүйн дэд сайд Э.Эрдэнэжамъянд шүүхээс хөдөлмөрийн хөлсний доод хэмжээг 63 дахин нэмэгдүүлсэнтэй тэнцэх хэмжээний мөнгөн торгууль оногдуулж, төрийн алба хаших эрхийг 2 жилээр хасч шийтгэсэн. Тэрбээр дэд сайдаар ажиллаж байхдаа МАН-ын дарга Н.Энхбаярын дүү Н.Энхтуяаг эрэн сурвалжлахгүй байх талаар Интерполд хандан захидал бичсэнээс болоод ийнхүү шийтгүүлсэн юм. Торгуульд 8 сая төгрөг төлөх ёстой байж. Гэхдээ энэ тухай албан ёсны бичиг нь саяхан, нэг сар гаруйн өмнө түүний гарт очжээ. Үүнээс хойш мань хүн төлбөртөө эхний удаа хоёр сая төгрөг төлсөн бөгөөд үлдсэнийг нь сар бүр цувуулаад төлж барагдуулахаа хэлжээ. Гэвч шүүхийн шийдвэр гүйцэтгэгчид нь түүнд “Та төлбөрөө бүгдийг нэгмөсөн төлөхгүй бол шийтгэлийг чинь хорих ялаар солино” хэмээн сүрдүүлж, “чангалжээ”.
Б.Баяр
Эх сурвалж: Tumen.mn
