Улс төрчдийн дунд нэлээд адармаатай араншинтай хүн цөөнгүй. Тэдгээрийн нэг нь Ц.Нямдорж гишүүн. Түүний амнаас ямарч гашуун  үг унаж мэднэ. Тэрбээр МАН-ыг шинэ Засгийн газарт хамтрахыг эсэргүүцсэн. Намынх нь Бага хурлаас хамтрах шийдвэр гарсан хойно ч бас “эсэргүүцсээр” байгаа аж. Мань хүн энэ тухайгаа сэтгүүлчдийн өмнө хэлэхэдээ “Ч.Сайханбилэг ганц хүүгээ гэрлүүлэхийн тулд дөрвөн айлаас бэр гуйлаа. Уг нь нэг нь л дээр байсан юм. Хатуу бодож байсан зүйл минь энэ. Засгийн газар хөдлөхийг өнгөрөгч 5 дугаар сард урьдчилж харсан. Тэр үед С.Баярцогт МАН-тай хамтрах санал тавьж байсан. Үүнээс өмнө ганц хоёр уулзалт болж байсныг би мэдэх юм. Хэрвээ Р.Амаржаргал гишүүн Ерөнхий сайд болвол хамтарч болох юм гэсэн бодол надад байсан. Энэ хүн арай төв байр суурьтай. Ер нь 2012 онд гэрээ хийгээд засгаа байгуулсан намууд дөрвөн жил зүтгээд хариуцлагаа үүрэг ёстой байлаа. Одоогийн байгуулах Засгийн газар хэр тогтвортой ажиллахыг би мэдэхгүй байна. АН-тай хамтарч ажиллах тун амаргүй шүү дээ” гэлээ.

Б.Баяр   

Tumen.mn