Дэлхийн ур чадварын байгууллагаас хоёр жил тутамд зохион байгуулдаг Дэлхийн ур чадварын тэмцээнд манай улс анх удаа оролцох гэж байна. Мэргэжилтэй ажилчдын дунд явуулдаг ур чадварын энэ тэмцээнийг олон улсад ур чадварын олимп хэмээн хүлээн зөвшөөрдөг юм. Тус тэмцээнд манай улс Өрөг угсралт, Хавтан царнаагч, Цахилгаан, Мужаан, Үсчин, Гоосайхан, Тогооч, Токарь, Гагнуур гэсэн есөн мэргэжлээр оролцохоор мэдүүлгээөгсөн бөгөөд тэмцээнд оролцох залуусаа маргаашнаас сонгон шалгаруулна.

Шалгаруулалтыг мэргэжил тус бүрээр салбар мэргэжлийн холбоод зохион байгуулах бөгөөд эхний тэмцээн маргааш Дархан-Уул аймагт болно. Цахилгааны мэргэжлээр дэлхийн олимпод явахаар бэлтгэж буй хоёр хүүхдийн хэн нь илүү чадвартай вэ гэдгийг Дарханы инженерүүдийн холбооноос томилсон хөндлөнгийн шүүгчдийн баг тодруулна. Өрсөлдөх хүүхдүүдийн хувьд Дэлхийн тэмцээний зарчмаар ажлын даалгавраа авчихсан, тэмцээн зохион байгуулж байгаа газарт шаардлагатай тоног төхөөрөмж, материал хэрэгслийг бэлтгэсэн байгаа.

Дарханы дараа энэ сарын 19-нд өрөг угсралт, хавтанцар наалт, токарийн мэргэжлийн шалгаруулалт болно. Эдгээр тэмцээнийг Монголын барилгачдын холбоо, Төмөрлөг машин үйлдвэрлэлийн холбоотой хамтран зохион байгуулах юм. Гуравдугаар сарын 20-нд Монголын зочлох үйлчилгээний холбооноос тогоочийн тэмцээнийг зохион байгуулна. Ой модны сургалт судалгааны хүрээлэнтэй хамтарч 22, 23-нд мужааны, Үсчин, гоо засалчдын холбоотой хамтран 24-нд үсчин, гоо сайхны, 25-нд Материал судлал, гагнуурын нийгэмлэгтэй хамтран гагнуурын мэргэжлийн шалгаруулалтыг явуулахаар төлөвлөжээ.

Дэлхийн ур чадварын олимпод оролцох тамирчдын бэлтгэл ажилд БНСУ-ын Хамтын ажиллагааны байгууллага KOICA болон Германы GIZ Олон улсын хамтын ажиллагааны нийгэмлэг тусламж үзүүлэх юм байна.

Г.Бат

Эх сурвалж: Zaluu.com