МАХН-ын дэд дарга Э.Эрдэнэжамъяан нарын нэр бүхий хүмүүс өнөөдөр мэдээлэл хийж сонгуулийн луйвар шилжилт хөдөлгөөнөөр илэрч буйг онцолсон. Тэгвэл тэрбээр дахин ноцтой баримт дэлгэхээр болжээ. Энэ талаарааа "Сонгуулийн булхай луйвар, авилга албан тушаалын гэмт хэргийн шинжтэй асар ноцтой баримтыг дэлгэх шаардлагатай боллоо. Магадгүй миний амь насанд ч аюул, занал учирч болзошгүй. Гэхдээ Монгол эх орныхоо ирээдүйн төлөө, эрүүл саруул сайхан нийгмийн төлөө эрсдэлийг үл хайхран олон нийтэд дэлгэхээс өөр аргагүй баримт /бичлэг/ бидэнд иржээ.

Цаг нь ирэхээр хэлнэ дээ гээд заналхийлээд суудаг хүмүүсийн аргаар явмааргүй байна, бид бүхнийг элдвээр хэлчихээд ардуур нь цэвэрхэн царайлаад ард түмнийг мэхлээд сурчихсан бүлэглэлийн үнэн нүүр царайг илчилмээр байна. 
Харин дөрөв дэх засаглал болох хэвлэл мэдээлэл, АТГ, Прокурор зэрэг шүүх засаглалын байгууллагууд энэ ноцтой асуудлын араас нүд чих тавин, шалгаж тодруулж ажилана биз ээ" хэмээсэн юм. 

Тэрбээр хэвлэлийн хурлаа маргааш 11.00 цагт Хэвлэлийн хүрээлэнд хийхээр болсон байна.

Д.Дуулим