Дөрөвхөн настай бяцхан охин харгис хэрцгий төрсөн эцэг, хойд эхийнхээ гарт зодуулж харамсалтайгаар амиа алдсан аймшигт хэрэг өнгөрсөн оны хоёрдугаар сарын 21-ний өдөр гарсан. Ээж, аавынхаа хайранд өсч, эрхэлж нялхрах насандаа томчуудын “тэнэг″ үйлдлээс болж биендээ даамгүй хүнд нөхцөлд тарчилсаар энэ хорвоог орхисон нь олон нийтийг бухимдуулж буй.
Эл хэргийн сэжигтнүүд болох төрсөн эцэг Т.Цогт, Г.Маралмаа нарын хэргийг шүүх хурал өнөөдөр Дүүргийн Эрүүгийн хэргийн анхан шатны I шүүхэд болох хойшилсон юм. Улсын яллагч прокурор энэ сарын 20-ноос 21-ний хооронд сургалттай учир ирэх зургадугаар сарын 3 хүртэл шүүх хурлыг хойшлуулжээ.
Шүүгдэгч Т.Цогтын өмгөөлөгч шүүх хурлыг хаалттай явуулах санал гаргасан ч шүүгчид хүлээн аваагүй аж. Иймд ирэх сарын 3-нд шүүх хурал нээлттэй болох юм. Мөн сэжигтэн Г.Маралмаа хөл хүнд байсан бөгөөд эмчийн хяналтанд орох хүсэлтээ өнөөдөр өгсөн байна.
Эх сурвалж: Шуурхай.мн
