Иргэдээс санал авч, төрийн түшээд сонгогдсон УИХ-ын гишүүдийн ирцийг тоймлож, тасалсан, чөлөө авсан, өвчтэй зэргээр нь дэлгэрэнгүй мэдээлдэг болжээ. LEAD Mongolia хөтөлбөрийн Ил тод байдлыг сайжруулах, Авлигыг бууруулах багийнхны хэрэгжүүлж буй https://www.uih.mn/ вебсайтыг ашиглаж сонгосон төлөөлөгчөө хянадаг болох нь.
2020 оны намрын чуулганаар Г.Амартүвшин, Б.Бат-Эрдэнэ, Г.Занданшатар нар нэг ч таслаагүй, 100 хувийн ирцтэй гишүүдээ тэргүүлж яваа бол Ц.Анандбазар, Д.Бат-Эрдэнэ, Б.Энх-Амгалан нар хамгийн их тасалж, сүүл мушгиж явна. Энэ мэт уг сайтаас иргэд сонгосон гишүүдийгээ хэр идэвхтэй байгааг, ямар ажил хийсэн, ямар хууль санаачилж, баталсан, иргэдийн гомдол саналыг хүртэл харах боломжтой болов.
