Монгол Улсын Ерөнхийлөгч Ц.Элбэгдорж “Монголын эдийн засгийн чуулган-2015”-д үг хэллээ. Тэрбээр хэлсэн үгэндээ Монголын эдийн засгийн хүндрэл бол мөнхийн өвчин биш, бид туулаад гарна гэдгийг онцоллоо. Мөн Монгол хүн дунджаар 5 ам.доллар бүтээж байна. Олон улс дунджаар 30 а.доллар бүтээж байна. Бид олон улсын дундаж руу тэмүүлэх хэрэгтэй. Эдийн засгийг сэргээх томоохон төсөл хөтөлбөрүүдийг ярьж буй энэ үед Ерөнхийлөгч “Оюутолгой гацаанаас гарах боломж бүрдэж байх шиг байна. Тавантолгойн хэлэлцээ эцсийн шатандаа орж байна” гэдгийг тодотгосон.
Ерөнхийлөгчийн зүгээс газар бол хамгийн том баялаг болохыг хэлсэн. Тэгэхдээ Монгол Улсын иргэд л газраа өмчил, гадаадад өгсөн байх юм бол буцааж ав, өөрсдийн иргэн, гадаадын иргэнд тусдаа хуулиар газар эзэмшүүлэх хэрэгтэй гэдгийг л санах ёстой гэв.
Эдийн засгийн чуулганы үеэр Ерөнхийлөгч төр хариуцлагатай байх эрх зүйн орчныг бий болгохыг ярив. Тэрбээр хариуцлагагүй байна гэдгийг их ярьдаг ч, Хариуцлагын тухай хууль барьж орж ирсэн хүн байхгүй гэдгийг шүүмжиллээ.
Чуулга уулзалт “Итгэлцэл” сэдвийн дор өрнөж байгаа. Улстөрчид хариуцлагатай болбол итгэлцэл сэргэнэ гэж Монгол Улсын Ерөнхийлөгч Ц.Элбэгдорж хэллээ.
Ц.Цацрал
Эх сурвалж: Zaluu.com
