Ерөнхийлөгчийн Тамгын газрын дарга П.Цагаан, Батлан хамгаалахын сайд Ц.Цолмон нар өнөөдөр Зэвсэгт хүчний жанжин штабт зочилж, ирэх тавдугаар сард болох Аугаа их эх орны дайны түүхт ялалтын баярын 70 жилийн ойн парадад оролцох зэвсэгт хүчнийхний бэлтгэл ажилтай танилцлаа. Ирэх тавдугаар сарын 9-нд болох ялалтын баярын парадад Москвагийн улаан талбайд Монголын зэвсэгт хүчнийхэн жагсана. Ялалтын баярт Ерөнхийлөгч Ц.Элбэгдорж оролцох аж. Дашрамд сонирхуулахад цэрэг, зэвсэгт хүчнийхээ сүр хүчийг дэлхий нийтэд гайхуулдаг Оросын цэргийн парадад манай зэвсэгт хүчнийхэн хоёр сарын өмнөөс бэлтгэж эхэлжээ.
