Өчигдөр өглөө нийслэлийн зургаан дүүргийн хэмжээнд цахилгаан тасрав. Бараг бүхэл өдрийн туршайлууд цахилгаангүй өнжлөө. Баянзүрх дүүргийн нутаг буюу Улайстай, Налайхын чиглэлийн замын уулзвар дахь дэд станцад гал гарчээ. Уг дэд станц нь хотын ундны усны хамгаалалтын бүс дотор байрладаг байна. Мэргэжлийн хүмүүс “Богино долгионы савалтаас үүссэн гэмтэл” хэмээн тайлбарлаж байлаа. Энэхүү олслын улмаас 2.3.4 дүгээр цахилгаан станц бүрэн зогссон байна. Уг нь бүхэлдээ 500 мегаваттын ачаалалттай ажиллаж байжээ. Улсын онцгой комисс, эрчим хүчний удирдлагууд энэ үеэр шуурхай ажиллаж ОХУ-аас авч байсан 50 мегаваттын эрим хүчийг 200 хүртэлөгсөх арга хэмжээ авчээ. Ингээд өчигдөр 16 цагийн орчимд зарим дүүргийн айлуудын түрүүч нь цахилгаанаар хангагдав. Эрчим хүчний яамныхан үүссэн нөхцөл байдал бодит дүгнэлт хийж, Дэд станцад чухам юунаас болж гал гарсныг нарийвчлан тогтоон, цаашид эрчим хүчний доголдлыг арилгах ажлыг зохион байгуулах ажээ.
Б.Баяр
Эх сурвалж: Tumen.mn
