Төрийн ордонд дөнгөж сая Ерөнхий сайдын зөвлөх Ц.Мөнхтөр мэдээлэл хийлээ. Тэрээр баяр наадмын дараагийн өдрүүд буюу долдугаар сарын 16, 17-ны пүрэв, баасан гарагийн ажлын өдрүүдийг амралтын өдрүүдэд шилжүүлэхгүй байх шийдвэрийг өчигдөр хуралдсан Засгийн газрын ээлжит хуралдаанаас гаргасан тухай мэдээллээ.
Ийнхүү иргэдийн дунд хүлээлт үүсгээд байгаа наадмын амралтын өдрүүд хуучин хэвээр буюу долдугаар сарын 11-15-ны баярын өдрүүдэд амарна. Харин долдугаар сарын 16, 17-ны өдрүүдэд төрийн байгууллагын ажил үйлчилгээ хуваарийн дагуу үргэлжилнэ.
Г.Бат
