МАХН-аас Д.Батмөнх  нарын нэр бүхий гишүүд гарч байгаагаа мэдэгдэн хэвлэлийн хурал хийсэн билээ. Тэднийг Ч.Улаан, Д.Тэрбишдагва хоёрыг дагаад гарч байна гэх мэдээлэл байгаа. Тэгвэл Д.Батмөнх хэлэхдээ  “Зөвхөн УИХ-ын гишүүн  Ч.Улаан  , Д.Тэрбишдагва гэсэн хоёр хүн л  намаас гарч байгаа юм биш ээ. Хөдөө орон нутаг, Аймаг нийслэл, Сум дүүргийн намын анхан шатны байгууллага, гишүүд дэмжигчид хэдэн зуугаараа МАХН-ын гишүүнчлэлээс татгалзаж байна. Бид зөвхөн төлөөлөл нь юмаа.” хэмээн хэлсэн байна. Мөн тэрээр  “-МАХН-ын Бага чуулганаар ч хамтарсан ажлын хэсгийн гаргасан санамж бичгийг авч хэлэлцэхэд гишүүдийн дийлэнх олонх нь дэмжиж байсан. Гэвч  манай намын удирдлагуудын явцуу эрх ашгаас үүдэлтэйгээр хэлэлцээр амжилтгүй болсон шүү дээ.  Хоёр намын  гишүүд дэмжигчдийн  ялалт, амжилтанд  хүрнэ, улс орноо хямралаас гаргана гэсэн хүсэл эрмэлзэл, хүлээлт итгэлийг хөсөрдүүлж уландаа гишгэлсэн увайгүй үйлдэл болсон. Нөгөө хамтарсан ажлын хэсгийн  санамж бичиг ямар ч үнэ цэнэгүй зүгээр л мөрөөдөл болж  хувирсан хэрэг.” хэмээн ярьсан байна. Н.Энхбаярын тухайд өөрийнхөө замаар явна гэдгээ эрс шулуухан хэлээд байгаа бол намын гишүүд нь ийн нийтлэг том эрх ашиг ярьж намаасаа гарсаар байгаа юм.

Эх сурвалж: Шуурхай.мн Б.Тамир