Жимс жимсгэний төрлүүдээс хүний биед хамгийн хэрэгцээтэй, хамгийн ашигтай жимсний нэг нь нимбэг билээ. Энэтхэг, Мьянмар, БНХАУ зэрэг улсаас түүхийн улбаатай гэж үздэг нимбэгний ашигтай чанаруудыг дурьдаад дундаршгүй юм. Та бидний олонх нь нимбэгийг буцалсан ус эсвэл цайнд хийж ханиад томуунаас сэргийлэх, дархлаагаа сайжруулах, бие махбодоо цэвэрлэх зорилгоор хэрэглэдэг ч ямар олон талын ашигтай вэ гэдгийг анзаардаггүй ажээ. Ингээд та бүхэндээ нимбэгний “ашигтай - 10” хэрэглээг толилуулъя. 
  Хөргөгч, гамбанзанд шингэсэн эвгүй үнэрийг нимбэгний тусламжтайгаар арилгах боломжтой байдаг. Ингэхийн тулд нимбэгний шүүсийг хөвөнд шингээж хөргөгчиндөө хонуулах бол гамбанзанд шингэсэн сармис, сонгины үнэр, амтыг нимбэгээр эсвэл нимбэгний шүүсийг шингээсэн алчуураар арчиж болно. Энэ нь давхар нянгийн эсрэг үйлчилгээ үзүүлдэг. Тэгэхээр нимбэгний шүүстэй усанд жимс жимсгэнээ угааж хэрэглэсэн ч болно. 
 
Та бидний хүнсэндээ сонгон хэрэглэдэг илчлэг, өөх тос ихтэй олонх хүнсний бүтээгдэхүүн нь цусан дахь холестериныг их бага хэмжээгээр нэмэгдүүлж байдаг. Тэгвэл нимбэгний шүүс, нимбэгтэй ус, нимбэгтэй зууш зэргийг тогтмол хэрэглэснээр цусанд шингэсэн хор, бохирдлыг гадагшлуулж цэвэршүүлдэг ажээ. 

Мөн түүнчлэн нимбэг нь калигаар нэн баялаг учир цусны даралтыг хэвийн байлгахад тустай. Ингэснээр толгой эргэж өвдөх, дотор муухайрах, дагжиж чичрэхээс сэргийлнэ. 
Нимбэгтэй усыг тогтмол хэрэглэж занших нь дархлааг сайжруулахаас гадна стресс, хөгшрөлтийн эсрэг шилдэг эм болдог. Нимбэгийг таллан хэрчиж сорж идвэл сэтгэл санааг өргөж, тааламжтай мэдрэмж төрүүлдэг гэнэ.Нимбэгийг хүнсэндээ хэрэглэснээр арьсны хөгшрөлтийг ихээр явуулдаг чөлөөт радикалуудыг хөнөөдөг учраас хөгшрөлтөөс хамгаалж өгдөг. Маш олон эмэгтэйчүүд хөгшрөлтийн эсрэг өөртөө тохирох тохирохгүй гоо сайхны бүтээгдэхүүнүүдэд цаг хугацаа, мөнгөө гарлагаддаг. Тэгвэл жирийн л нэг нимбэгийг хүнснийхээ хэрэглээнд нэмсэнээр тэдгээр бүтээгдэхүүнээс ч илүү гайхамшигтай үр дүнг өгдөг байна.    Элэг, бөөр зэрэг таван цулын эрхтэн нь хүний биеийн хамгийн эмзэг эрхтнүүдийн нэг байдаг. Тэгвэл хүнсэндээ нимбэгийг сонгон хэрэглэснээр элгийг цэвэрлэж, бөөрний чулуунаас сэргийлдэг гэнэ. Нимбэг нь хүчил ихтэй учир шээс, бөөрний замын хүчиллэг чанарыг нэмэгдүүлснээр болор талст үүсэхээс сэргийлдэг. Болор талст нь бөөрний чулуу болж хувирдаг учир энэ явцыг таслан зогсоодог байна. 

  Хэрэв таны аманд ямар нэг идээ бээртэй яр шарх гарсан эсвэл буйлнаас нь цус шүүрдэг бол нимбэгтэй усаар зайлаад үзээрэй. Нимбэг нь нянгийн эсрэг үйлчилгээтэй учир ариутгаж эдгэрэх явцыг түргэсгэж өгдөг. Мөн түүнчлэн нимбэгтэй усаар амаа тогтмол зайлснаар амны эвгүй үнэр үүсгэгчийг устгадаг. Гэхдээ нимбэг нь хэтэрхий хүчиллэг учраас шүдний пааланг гэмтээх эрсдэлтэй тул 1 - 3 минутын дараа нь цэвэр усаар зайлж байгаарай. 
    Нимбэгийг хүнсэндээ тогтмол хэрэглэснээр хоолны шингэц муудах, өтгөн хатах, гэдэсний түгжрэл үүсэх, хий хуян хуралдахаас сэргийлж өгнө. Бие махбодоос ашиггүй “хорт” нянгуудыг гадагшлуулж биеийг цэвэрлэдэг байна. 
 
Хагны эсрэг маш олон шампунь ангижруулагч бий ч хагийг бүрэн арилгадаг нь хомс. Тиймээс хайран цаг, мөнгөө дэмий гарлагадаж байхаар үсээ нимбэгээр арчлахад л болно. Ингэхийн тулд хоёр халбага нимбэгний шүүсийг хуйхандаа түрхэж иллэг хийнэ. Дараа нь нэг халбага нимбэгний шүүсийг аяга усанд хийж үсээ зайлаарай. Ер нь бол үсээ угаачихаад нимбэгтэй усаар ангижруулаад байвал хагнаас нэгмөсөн ангижирдаг байна. 
    Өнгөө алдаж гундсан хувцас, хэрэглэлийг цайруулахын тулд эзэгтэй нарын олонх нь цайруулагч шингэсэн бодисыг сонгож хэрэглэдэг. Энэ нь хувцасны материалыг хүүршүүлж хэврэгшүүлдэг учир энэ алхмыг хийхээсээ өмнө нимбэгээр өнгийг нь сэргээж, цайруулаад үзээрэй гэж зөвлөе. Ингэхийн тулд хувцасаа угаахаас өмнө нимбэгний шүүс, хүнсний содатай усанд 30 минут байлгаарай. 
 
Агаар чийгшүүлэгч удаад ирэхээрээ зарим тохиолдолд эвгүй үнэр ялгаруулдаг. Энэ эвгүй үнэрийг дарахын тулд 3 - 4 халбага нимбэгний шүүс хийгээрэй. Ингэснээр эвгүй үнэрийг дарахаас гадна өрөөг сэнгэнэсэн сайхан үнэртэй болгоно. 
 
Нимбэг жимсэнд байгалиас заяасан онцгой чанар нь нянгийн эсрэг халдваргүйжүүлэх үйлчилгээ үзүүлдэгт оршино. Санамсаргүй гараа зүсчихсэн бол нимбэгний шүүс шингээсэн хөвөнгөөр шархаа цэвэрлэвэл цусыг нь тогтоож, халдвар орохоос сэргийлж өгдөг. 

Мөн түүнчлэн шингэрүүлсэн нимбэгний шүүсээр үтрээгээ цэвэрлэвэл үтрээний нянг устгаж ариун чанарыг нь нэмэгдүүлдэг гэж үздэг байна. 

Хэрвээ бүсгүй таны гар, хөлийн хумс шарласан эсвэл үзүүрийг нь цагааруулмаар байгаа бол нимбэгээр үрэх эсвэл нимбэгтэй бүлээн усанд хэсэг дүрээрэй. Ингэснээр хумсыг цэвэрлэж өгөхөөс гадна үзүүрийг нь цагааруулна.