Мөсний баяр-2022 наадам зохион байгуулахтай холбогдуулан Хөвсгөл аймгийн Засаг дарга Ш.Идэрбаясгалан, аймгийн онцгой комиссын дарга бөгөөд аймгийн Засаг даргын орлогч М.Хуягтбаатар нараар ахлуулсан ажлын хэсэг Хөвсгөл нууранд аюулгүйн зурвас тогтоох ажилтай биечлэн танилцжээ.
Хөвсгөлийн улсын тусгай хамгаалалттай газрын хамгаалалтын захиргааны дарга Ж.Төмөрсүх нуурын мөсний аюулгүй байдал болон анхаарах хэсгүүдийг хэрхэн хяналтанд авах талаар мэдээлэл өгсөн байна. Мөн тодорхой цэгүүдэд хэмжилт холбогдох хэмжилтүүдийг хийсэн байна.
Хэмжилтээр нуурын мөсний зузаан харилцан адилгүй байгаа нь тогтоогджээ. Тухайлбал, нуурийн хоолойн ус авах цооногны хэсэгт мөсний зузаан 26 см байгаа бол Хүй толгой орчимд 110 см байгаа аж. Харин доод Модот буланд гарсан өрхтэй хэсэгт өрхийн урт нь 1260, мөсний зураан нь 60 см, Сомоо хадны орчимд 75 см түүнээс дээш, Сомоо хаднаас баруун хойд зүгт 700 м-ийн зайд 75 см-ийн зузаантай байна гэж мэдээллээ.
