“Эрдэнэс Таван” толгойн захирал Я.Батсуурь баривчлагдаад хоёр хонож байна. АТГ, эрүүгийн цагдаагийнхан түүнийг их хэмжээний авлига авсан, өгсөн, улсын мөнгө завшсан байж болзошгүй гэж сэжиглэж буй. Зарим эх сурвалжууд Засгийн газрын Хэрэг эрхлэх газрын дэд дарга асан Г.Дэнзэнгийн эхнэрийн “Говь Повер” компанийн 4.6 тэрбум төгрөгийг “эвлэрлийн гэрээ”-гээр шилжүүлсэн асуудалтай нь холбон тайлбарлаж байна. Энэхүү мөнгөний гүйлгээнд хангалттай шалгалт хийсэн учраас Я.Батсуурийг сэжигтнээр татаж цагдан хорьсон гэж буй нь үнэний ортой байж болох ч цаана нь улс төрийн шалтгаан байхыг үгүйсгэсэнгүй.
Сүүлийн өдрүүдэд Ерөнхий сайд асан Н.Алтанхуяг мөрдөн шалгах ажиллагаа, прокурорын хяналт, авлигатай тэмцэх байгууллагын талаар багагүй шүүмжилсэн. Түүний чанга дуугарах болсон нь “Аргаа барахдаа аавынхаа сахалаар оролдов” гэгчийн үлгэр болж байж мэдэх л юм. Тэрбээр “Нүүрс” хөтөлбөрөөр их эмжээний мөнгө тоншсон Л.Гансүхийг “өмөөрч” Төв аймгийн шорон руу Хууль зүйн сайдаа дагуулан давхиж очиж байсан нь саяхан. Энэ үйлдлийг нь хууль бус ажиллагаа хэмээн АТГ-аас албан ёсоор мэдэгдсэн. Үүний адил мань хүн Г.Дэнзэн дүүгээ халхавчилж үлдэхийн тулд тийнхүү “зарчим” ярьж, шүүмжлэгчийн дүр эсгэсэн байхыг үгүйсгэх аргагүй.
Гэхдээ УИХ-ын ажлын хэсгийн дүгнэлтээр “Эрдэнэс Таван толгой”-д их хэмжээний өр үүссэн гэдэг. Энэ нь Я.Батсуурийн авлига, ашиг сонирхолтой бас шууд холбогдох болов уу. Түүнийг анх ажлаа авахад 183 сая долларын өртэй байсаан “Эрдэнэс Таван толгой” өнөөдөр 850 сая долларын өртэй болоод байгаа юм.
Я.Батсуурь “Эрдэнэс Таван толгой”-д хөгжлийн банкнаас сүүлийн гурван жилд нийтдээ 657 сая ам.долларын зээл авсан байдаг. Гэвч энэ мөнгөө хаа амаагүй зүйлд зарцуулсан гэж түүнийг бас буруутгаж байгаа юм. Энэ бол аудитын ажилтнуудын ийсэн дүгнэлт. Үнэний ортой байх. Гэвч дээр өгүүлсэн Н.Алтанхуяг, түүний хүргэн Г.Дэндэн нарын золиос болох гэж байхыг үгүйсгэж боломгүй.
Таван толгойн хөрөнгө оруулагчидтай хэлэлцээ хийгдэж байгаа энэ үед “Эрдэнэс Таван толгой”-н захирал Я.Батсуурь баривчлагдсан нь мөн өөр олон янзын таамаглалд хүргэж байна. Тус компанийг өөр аль нэгэн компанийн “дээвэр” дор шилжүүлэх тухай ч улс төрийн хүрээнийхэн дунд яригдаж, үүнийг нь Я.Батсуурь эсэргүүцэж байсан гэдэг.
Б.Отгонбаяр
Эх сурвалж: Tumen.mn
