УИХ-ын гишүүн Х.Булгантуяа ирэх оны төсөв болон "Эрдэнэт үйлдвэр"-ийн захирлын үрэлгэн зардлын талаар байр сууриа илэрхийллээ.
Тэрээр: "Эрдэнэт" үйлдвэрийн хувьд авууштай нь жилээс жилд улсын төсөвт төвлөрүүлж байгаа орлого нэмэгдэж байгаа. Гэхдээ ингэлээ гээд өөрсдийнхөө зардлыг нэмээд бай гэсэн үг биш. Төсөв байгууллагын төсвийг бид хэмнээд байдаг. Гэтэл 35 их наядын активтай, улсын төсвөөс дэмжлэг авдаг төрийн өмчит байгууллагуудыг бид анхаарах цаг болсон. Хувийн сургуулиуд дээр аудит орох хэрэгтэй гэж бодож байна. Улсын төсвөөс тодорхой хэмжээгээр төсөв мөнгө аваад үйл ажиллагаагаа явуулж байгаа, төрийн өмнө үүрэг хүлээсэн байгууллагуудад анхаарал тавих хэрэгтэй гэж бодож байна. "Эрдэнэт" үйлдвэрийн хувьд коронавирусний нөхцөл байдлаас шалтгаалан ийм онцгой үед онц шаардлагагүй, ялангуяа хувь хүн дээр холбоотой зардал гаргаж байгаа нь зүй бус гэж бодож байна" гэв.
