Онцгой байдлын гал унтраах албанд дуудлага байнга ирсээр байгаа. Өчигдөр шөнө л гэхэд Чингэлтэй дүүргийн 12 дугаар хорооноос ирсэн галын дуудлагаар хүрч очиход айлын гэр шатаад дуусч байжээ. Гэрт тэр шөнө аав “Э” нь таван настай хүүгийн хамт унтаж байсан боловч хамарсалтай нь хоёулаа галд шатаж амиа алдсан байв. Онцгойгийхон талийгаачдын цогцсыг дүүргийн цагдаагийн хэлтэст хүлээлгэн өгсөн бөгөөд хэргийг нарийвчлан шалгаж эхлээд байгаа аж. Харин анхаарал болгоомжгүй үйлдлээс, ялангуяа өвлийн цагт гэр, байраа галлахдаа түлшээ хэтрүүлж хэрэглэдэг, норм, стандартад үл нийцэх пийшин ашигладаг зэргээс болоод иргэд ийнхүү хохирч байгааг Онцгой байдлын Ерөнхий газраас иргэддээ анхааруулжээ.
Б.Баяр
Эх сурвалж tumen.mn
