Зөөлөн чихэр үйлдвэрлэлээрээ дэлхийд алдаршсан Марс компани "m&m"брендийг сурталчилгаандаа жижиг бус том үсэг ашиглаж, "M&M" гэж бичих шийдвэрийг Шведийн дээд шүүхээс гаргасан байна. Учир нь тус улсын хамгийн том чихрийн бренд Марабоу компани бүтээгдэхүүнийхээ нэрэнд жижиг "m" үсэг ашигладагтай холбоотой аж. Хэрэв Марс компани уг шийдвэрийг хүлээн зөвшөөрвөл ирэх долоодугаар сараас эхлэн бүх сурталчилгаагаа "M&M" том үсгээр бичих юм.

Эл шийдвэрийг танилцуулсны дараа Марс компани хариу мэдэгдэл хийж, хоёр компанийн нэрийн хувьд ямар нэгэн эргэлзээ, төөрөгдөл үүсгэдэггүй. Хэрэглэгчид бүтээгдэхүүнийг маш саян ялгадаг хэмээн мэдэгджээ. Гэхдээ шүүхийн шийдвэрийг эсэргүүцэх үгүйгээ илэрхийлээгүй байна. Марабоу компанийг Америкийн хоол, ундааны Монделез компани эзэмшдэг юм байна. Мөн тус компани нь Кедбюри, Тобльрон зэрэг брендийг эзэмшдэг аж.

Марс компани нь 2009 оноос эхлэн M&M шоколадаа Швед улсад борлуулж эхэлсэн нь Марабоу компанитай өмнө нь байгуулсан гэрээг хүндэтгэн үзэж байсантай холбоотой юм. Учир нь уг гэрээнд 1960 оноос хойш жижиг "m" үсгийг бренд нэрэндээ ашиглаж эхэлсэн тул төстэй бүтээгдэхүүнийг давхардуулахгүй гэдэг дээр зөвшилцөлд хүрсэн байжээ.

Чихэр үйлдвэрлэгчдийн хооронд иймэрхүү маргаан үе үе өрнөдөг юм. Тухайлбал, Нестле компани өнгөрсөн нэгдүгээр сард хуруу шоколадны асуудлаар КитКат компанитай маргаан дэгдээж байлаа. Их Британийн шүүх эл хэргийг авч үзээд Норвегийн шоколад үйлдвэрлэгч Квикк Луншж компани ижил хэлбэртэй бүтээгдэхүүн үйлдвэрлэсэн нь буруутай гэж үзжээ. Квикк Луншж компани нь мөн адил Монделезийн эзэмшлийнх юм байна.

С.Дамдин