Монгол Улсын Ерєнхийлєгч Ц.Элбэгдорж єєрийн бvрэн эрхийнхээ хvрээнд санаачлан боловсруулсан хуулийн тєслvvдийнхээ талаар мэдээлэл хийхэд УИХ-ын дарга, АН-ын дарга З.Энхболд, УИХ-ын дэд дарга, МАН-ын дарга М.Энхболд, УИХ-ын гишvvн, УИХ дахь АН-ын бvлгийн дарга Б.Гарамгайбаатар, УИХ-ын гишvvн, УИХ дахь МАН-ын бvлгийн дарга С.Бямбацогт нар байлцав.
“Том тєрєєс ухаалаг тєр рvv” хийх шинэчлэлийг тунхагласан Ерєнхийлєгч Ц.Элбэгдорж 50 шахам хуулийн тєсєл санаачилснаас одоогоор таван тєсєл УИХ-аар батлагдсан, 19 тєсєл боловсруулагдаж байгаа, найман тєслийг УИХ-д єргєн мэдvvлсэн, мєн 14 тєслийг УИХ, Засгийн газраас єргєн мэдvvлэхээр болоод байгаа аж.
Жилийн дараа дєрвєн жил болоод л Монголчуудыг бvрэн утгаар нь талцуулж, бужигнуулж дєнгєдєг УИХ-ын ээлжит сонгууль болно. Єчигдєр Ерєнхийлєгч Ц.Элбэгдорж ирэх сонгуультай холбогдуулан Улс тєрийн намын тухай хууль, Тєрийн албаны тухай хуулийн тєслvvдээ тайлбарлав. Мэдээж 2016 оны сонгуулиас ємнє дээрх хоёр хуулийн тєслийг яаралтай хэлэлцэн батлах зайлшгvй шаардлага байгаа нь ойлгомжтой. Ерєнхийлєгч бvрэн эрхийнхээ хvрээнд санаачилсан дээрх хуулийн тєслvvдэд Ерєнхий сайд ганцаараа “Давхар дээл”-тэй байх, тєрийн албыг улстєрєєс тусгаарлах, тєрийн албан хаагчдыг олноор нь халахыг хориглох, сонгууль болохоос нэг жилийн ємнє болон шинээр Ерєнхий сайд томилогдсон нэг жилийн дотор Тєрийн албаны тухай хуульд нэмэлт, єєрчлєлт оруулахгvй байхыг хуульчлах гээд З.Энхболд, М.Энхболд, Б.Гарамгайбаатар, С.Бямбацогт дарга нарын ясыг хавталзуулж, зvрхийг дэлсvvлсэн олон заалт, тодорхой хязгаарлалт явж байгаа аж.
Ерєнхийлєгчийн єргєн мэдvvлэх энэ хоёр хуулийн тєслєєр УИХ-ын гишvvд аль нэг яамны сайдын суудлыг мєрєєдєх ч эрхгvй болох бєгєєд зєвхєн Ерєнхий сайд л “Давхар дээл”-тэйгээ vлдэж, єєрєє мэдэн яамдын сайд нараа УИХ-ын гаднаас буюу тухайн яамны ажлыг 10 хуруу шигээ мэддэг салбар, салбарын шилдгvvдээр бvрдvvлэх боломжтой болох аж. Мэдээж Ерєнхийлєгчийн санаачилсан хуулийн тєсєлд улстєрийн намуудын дарга нар болон УИХ дахь бvлгийн дарга нарын санаанд нийцэхгvй, бvр уурыг нь хvргэсэн зvйл, заалтууд байгаа нь тодорхой. Гэхдээ л Улстєрийн намын тухай хуулийн тєсєлд улстєрийн намууд бодлогынх болж тєлєвших, аливаа асуудлыг шийдэхдээ бодлогоор єрсєлддєг болох, зургаан жил дараалан аль нэг шатны сонгуульд оролцоогvй, санхvvгийн тайлангаа удаа дараа санаатайгаар буруу гаргасан зэрэг зєрчилтэй улстєрийн намыг татан буулгах, нам болгоныг шилэн данстай болгох, намууд сонгуульд нэр дэвшихийн тєлєє гишvvдээсээ хандив барьцаа, дэнчин, мєнгєн тусламж авсан бол улсын орлогод хурааж, тєрєєс олгох санхvvжилтийг нь бууруулах зэрэг маш чухал шинэчлэлийн шинж чанартай заалтууд явж байгааг дурдахгvй єнгєрч болохгvй. Тvvнчлэн Тєрийн албаны тухай хуулийн шинэчилсэн найруулгын тєсєлд тєрийн албаны томилогоог єрсєлдєєний зарчмаар явуулах, албан тушаал дэвшvvлэх, шагнал, урамшуулал олгохдоо мэдлэг, ур чадвар, ажлын туршлага, vр дvн, манлайлах чадварыг нь заавал харгалздаг болох заалт явж байгаа аж. Тухайлбал, Тєрийн нарийн бичгийн дарга, агентлагийн дарга, аймаг, нийслэлийн Засаг даргын Тамгын газрын дарга зэрэг хариуцлагатай албан тушаалд томилогдохын тулд нийт 20 жил тєрийн албанд ажилласан байхыг шаардана. Ингэснээр хуулийн шаардлага хангаагvй иргэн тохиолдлын журмаар тєрийн удирдах албан тушаалд томилогддог байдал алга болно. Тvvнчлэн vр дvн, мэргэшлийн тvвшин, ёс зvй, зэргийг нь харгалзан vзэж таван жилийн хугацаанаас нь ємнє шатлан дэвшvvлж болно зэрэг маш чухал заалтууд оруулсан байна.
Тvvнчлэн АТГ-ыг Мєрдєн байцаах албаны дэргэд аваачихаар хvчлэн зvтгэж байгаа Ерєнхий сайд асан Н.Алтанхуягтай биечлэн уулзаж, тодорхой хязгаарлалт тавьснаа, Ч.Сайханбилэг Ерєнхйи сайдыг хэл чимээгvй явж Рио Тинтотой Оюутолгойн далд уурхайн санхvvжилтийн тєлєвлєгєєнд гарын vсэг зурсныг буруутгаснаа ч Ерєнхийлєгч Ц.Элбэгдорж нэг бvрчлэн танилцуулав.
Харин єргєн мэдvvлсэн хуулийн тєслvvдийнх нь 30 хувийг УИХ дээр унагаж дєнгєдєг эрхэм гишvvд єєрсдийнх нь сайд болж, “Давхар дээл” ємсєх эрхэнд нь халдсан эдгээр хуулийн тєслийг дэмжих vv, дэвслээд хаях уу гэдгийг ирэх намырн чуулганаар харах л vлдэж байна. Уг нь Ерєнхий сайд нь л “Давхар дээл”-тэй танхимын сайд нар нь “Дан дээл”-тэй болчихвол Монгол Улс тєдий л даарч бээрээд байхгvйгээс гадна УИХ нь Засгийн газартаа жинхэнэ утгаар нь хяналт тавиад, гvйцэтгэх засаглал нь ч жинхэнэ мэргэжлийн тал руугаа ойртох учиртай билээ. Гэхдээ єєрсдийнх нь эрх ашгийг хєндсєн бvхэн рvv нvд vзvvрлэн дайрдаг эрхэм гишvvдийн гараас Ерєнхийлєгчийн санаачилсан эдгээр хуулийн тєслvvд дэмжигдэн гарч чадвал шvv дээ.
Эх сурвалж:
