Өнөөдөр Монгол улсын гадаад өр 21.7 тэрбум ам долларт хүрээд байна. Ер нь Дотоодын нийт бүтээгдэхүүний 52.1 хувьд хүрээд байгаа бөгөөд “Дэлхийн банк”-ны аргачлалаар дотоодын нийт бүтээгдэхүүнтэй харьцуулсан харьцаа 40 хувиас хэтэрсэн тохиолдолд өрийн дарамтанд орсон, дампуурах эрсдэлтэй гэж үздэг.Тэгвэл Монгол улсын хувьд энэ үзүүлэлтээс даруй 12.1 пунктээр хэтрээд байгаа төдийгүй Засгийн газрын нийт гадаад өрийн эргэн төлөлтийн хувьд 2017 онд 580.0 сая ам.доллар, 2018 онд 661.2 сая ам.долларын томоохон төлбөрүүд төлөгдөхөөр байгаа нь Монгол улс өрийн өндөр эрсдэлтэй улсын тоонд ороход хүргэж байна.
Дээрх өрийг Монгол улсын нийт хүн амд хуваавал 2015 оны 6-р сарын байдлаар Монгол улсын нэг иргэн 15 сая төгрөгийн өртэй болж байгаа юм. УИХ-ын 2016 оны сонгуулийн 52 дугаар тойрогт бие даан нэр дэвшигч Цэрэнгийн Монгол “Өргүй Монгол улсынхаа төлөө, Өргүй Монгол хүний төлөө” гэсэн уриатай энэ удаагын сонгуульд бие даан нэр дэвшиж байгаа бөгөөд тэрээр “Монгол улс гадаадад их хэмжээний өртэй, улс нь ч, иргэн нь ч өртэй байх нь Монгол улсын үндэсний аюулгүй байдал, тусгаар тогтнолыг аюулд хүргэж мэднэ. Иймээс банк, санхүүгийн байгууллагын хууль тогтоомжийг цогцоор нь өөрчилж боловсронгүй болгож иргэний хууль, мөнгөн хадгаламж, зээл төлбөр тооцооны тухай хуульд өөрчлөлт оруулах замаар зээлийн хүүг бууруулах, үндсэн зээл төлөгдөхгүй, зөвхөн хүү нь төлөгдөөд байдаг, хугацаандаа төлөөгүй хүү зогсохгүй, хязгааргүй үргэлжилж, иргэн хуулийн этгээд их хэмжээний төлбөрт унадаг ялыг зогсоох зорилтыг мөрийн хөтөлбөртөө тусгасан байна. Иргэдийн зүгээс ”Өнөөдөр Монгол хүн бүр маш их өр зээлтэй, хямралтай байдлаас болж өр зээлээ төлж чадахгүй, үүнээс болж иргэд маш их ядуу амьдарч байгаа. Бид өчнөөн жил 2 намын удирдлаганд явлаа. Бидний ирээдүйг өрөнд орууллаа. Тиймээс нэр дэвшигч Ц.Монголын мөрийн хөтөлбөрт тусгагдсан асуудлууд нийт иргэд сонгогчдод нийцтэй нэмэр тустай” гэж үзэж байгаа бөгөөд түүнд мөрийн хөтөлбөрөө хэрэгжүүлэх боломж олгон УИХ-д тойргийн иргэдийн төлөөлөл болгон сонгохоо илэрхийлж байсан юм.
УИХ-ын сонгуулийн 52-р тойрогт бие даан нэр дэвшигч Ц.Монголын сонгуулийн штаб
