Балбад газар хөдлөлт болж дэлхий нийтийг цочроолоо. Энэхүү гамшигт үзэгдлийн эхний өдрүүдэд олон улсын мэдээллийн агентлагууд 2000 гаруй хүн амь үрэгдсэн гэж байсан бол хамгийн сүүлийн мэдээгээр нас барагсдын тоо 3585 болжээ. Гэмтэж бэртсэн хүний тоо 6815-д хүрч, 200 гаруй хүн сураггүй байгаа аж. Тус улсын эртний түүхт уран барилгууд ч олноор нурсан байна. Тухайлбал, Катманду хотын төв хэсэгт 1832 онд босгосон 62 метрийн өндөртэй Дхарахара цамхаг сүйрэлд өртжээ. Дэлхийн эрүүл мэндийн байгууллагаас одоогоор тус улс руу 40 гаруй мянган хүнд үйлчлэх хэмжээний эм, бэлдмэл илгээгээд байгаа аж.
Б.Баяр
Эх сурвалж: Tumen.mn
