Монгол улсын чөлөөт бөхийн холбооны ерөнхийлөгчөөр Асашёорюү Дагвадорж томилогдсоноос хойш манай тамирчид тив дэлхийн ямар ч тэмцээнд оролцсон амжилт гаргах нь ихэссэн хэмээн сайшаах хүн олон байдаг.
Тэгвэл, байдал яг ч тийм биш аж. Өчигдөрхөн л МУГТ "баавгай" Б.Батцэцэг "өвдсөн цагт хэн ч тоохоо больдог юм байна" хэмээн чөлөөт бөхийн холбооныхоо удирдлагуудын тухай нулимстай нүдээр ярьж суугаа нь цэнхэр дэлгэцээр гарч байсан.
Гэтэл өнөөдөр МУГТ О.Пүрэвбаатар мөн л холбооныхоо удирдлагад бухимдалтай явдгаа хэллээ. Тэрээр "Сумогийн их аварга Д.Дагвадорж чөлөөт бөхөд олон сая төгрөг гаргасан гэж яриад бйадаг. Тамирчдын зардалд 470 сая төгрөг зарцуулсан гэж тайлангийн хурал дээр ярьсан байгаа юм.
Эрэгтэй багийн тамирчдад нэг удаа л тэмцээнд явахад 15 сая төгрөг өгсөн. Бид мөнгө гуйж үзсэн. Мөнгөгүй л гэдэг. Тийм л бол тэр их мөнгийг юунд зарцуулсан байх уу. Та нар чадлаараа медаль авдаг гэж бодож байна уу, би Дэлхийн чөлөөт бөхийн холбооныхныг хахуульдаж авч өгдөг гэж тамирчдыг загнаж, доромжилсон. Дагвадорж Монголын чөлөөт бөхийн холбооны хууль бус ерөнхийлөгч атлаа багш, тамирчдыг байнга загнаж дарамталдаг" хэмээсэн байна.
