Хөдөлмөр, нийгмийн хамгааллын яам, Хөдөлмөрийн аюулгүй байдал, эрүүл ахуйн Үндэсний хороо, Хөдөлмөрийн аюулгүй байдал, эрүүл мэндийн төв, Нийгмийн даатгалын ерөнхий газар, Монголын ажил олгогч эздийн нэгдсэн холбоо, Монголын үйлдвэрчний эвлэлийн холбоо, Олон улсын хөдөлмөрийн байгууллага хамтран “ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙН САРЫН АЯН”-ыг 12 дахь жилдээ амжилттай зохион байгуулж байна.

Энэ жилийн хувьд ЭРҮҮЛ АЮУЛГҮЙ АЖИЛ-БИДНИЙ СУУРЬ ЭРХ уриан дор үйлдвэрлэлийн орчин нөхцөлийг сайжруулах, ажилтныг ажлын байран дахь осол, мэргэжлээс шалтгаалсан өвчлөл болон бусад эрсдэлт хүчин зүйлийн нөлөөллөөс хамгаалах, урьдчилан сэргийлэх, ажлын байрны соёлыг төлөвшүүлэхэд төрийн болон төрийн бус байгууллагуудыг татан оролцуулах тэдний сайн туршлагыг олон нийтэд түгээн дэлгэрүүлэх ажлыг зохион байгуулж ажиллалаа.

Энэ хүрээнд ОУХБ-аас дэвшүүлсэн уриа болох “Эрүүл, аюулгүй нөхцөлд ажиллах нь ажилтан бүрийн суурь эрх”-ийг хангахад хүн бүрийн оролцоо, мэдлэг чухал байгааг сурталчлан таниулах зорилгоор олон нийтийн оролцоог нэмэгдүүлэх, ялангуяа уул уурхай, барилга, эрчим хүч, аж үйлдвэр зэрэг эрсдэл өндөртэй салбаруудын ажилчдад чиглэсэн фото челленжийг зарласан.

“Эрүүл аюулгүй ажил бол...” сэдэвт фото челленжид

-“Улаанбаатар төмөр зам”, Замын-Үүд дэх Гаалийн газар

-Өмнөговь аймгийн “Баруун ноён уул”

-“Терра Энержи” ХХК

-“МАК” ХХК

-Төв аймгийн Баянчандмань сум, Барилгын Поли техник Коллеж

-Бугант тосгон Захирагчийн алба

-Багануур Эрүүл мэндийн төв, аймаг сумдын цэцэрлэг сургуулиуд зэрэг нийт 100 гаруй албан байгууллагын 1600 гаруй ажилтан, албан хаагчид өөрсдийн цахим хуудаснаа хөдөлмөрийн аюулгүй байдлын суурь эрхтэй холбоотой уриа, уриалгыг өөрсдийн үгээр илэрхийлж, аюулгүй ажиллах эерэг соёлыг цахим орчинд түгээж, олон нийтийг төлөвшүүлэхэд өөрсдийн хувь нэмрээ орууллаа.