Эргэн санахад 2013 он. Хотын МЭЭР Э.Бат-Үүл үлгэрийн мэт хот босгоно хэмээн амалж байсан тэр үед л хаа байсан Монголын баруун хязгаарт буюу

Ховдод үйл ажиллагаагаа явуулж байсан брокер диллерийн "Гранд Лайн” ХХК нүүрээ угаагаад нөгөө хувцасаа өмсөөд барилга, бүтээн байгуулалтын компани болж Нийслэл хотын "Гэр хорооллын дахин төлөвлөлт” төсөлд орж ирсэн ажээ. Тухайн үедээ 100 гаруй тухайн салбартаа олон жил ажилласан туршлагатай компаниуд оролцсон ч, ямар ч туршлагагүй санхүүгийн салбараас ШАХАГДСАН "Гранд Лайн” ХХК шилдэг наймд орж ирээд шалгарсан нь бас л нэгийг бодогдуулмаар.

Нэр төртэй аавын буян, энд бас АН-ын буян ч бас байгаа л байх. Ер нь ТЕНДЕР нэртэй будилаан, мөнгө угаах гол бизнес нь болсон Улстөрчдийн хувьд энэ нь хүүгийнхээ компанийг ялуулахгүй байхын үндэс байхгүй. Арга ч үгүй биз хүүгийнхээ ажлын гараанд нь амжилт хүсээд тендерт ялуулж сул орж ирсэн хөрөнгийг зүгээр л 100% өгчихсөн гэтэл одоо хүртэл боссон зүйлгүй бахь байдаг Улаанбаатарын гэр хорооллууд, мөн хотын мээр Э.Бат-Үүлийн амлалтад хууртаж газраа алдсан иргэдийн эмгэнэлтэт амьдрал л үргэлжилж байна. Харин Хотын мээр маань энэ тухай таг мартаж, түүний хүү Э.Чулуудайгийн "Гранд Лайн” ХХК Улаанбаатарыг тойрсон зам болон барилгын олон тендерт ялалт байгуулж, хямралын үед цэцэглэн хөгжсөөр байгаа нь ХУДЛАА БИШ ҮНЭН.

Харин одоо зарим эх сурвалжууд Э.Бат-Үүл даргын хүү Чулуудайгийн “Гранд Лайн” ХХК нь АСЕМ-ын уулзалтад зориулж Их тэнгэрийн аманд баригдаж байгаа зочид хүлээн авах байр руу явах замын ажлыг авсан гэж дуулдсан.

Ийнхүү ард түмнээ хуурч, өөрийн ойрын хүмүүсийн компаниуд энэ эдийн засгийн хямралтай үед улам хөгжиж байгаа нь гайхалтай. Харин Хотын МЭЭР маань ард иргэдийг эдийн засгийн доройтол дээр нь дахин босч ирэхгүй болтол нь нухчин дарах ажилдаа ханцуй шамдан орсон нь сүүлийн үеийн гаргасан шийдвэрүүдээс нь харж болно. Тодруулбал: Улаанбаатар хотын НЭГ ХУВИЙН ТАТВАР, мөн автобусны шинэчлэл буюу СМАРТ КАРТ гэгчлэн иргэдийн амьдрал хэрэгтэй бус харин өөрийнх нь халаасанд орох мөнгөний тоог л тоолж, ард иргэдийнхээ ХАЛААСЫГ ухаж эхэлсэн нь ЭНЭ.

Үргэлжлэл бий...

Өмнөх нийтлэлийг эндээс уншина уу. 

Эх сурвалж www.bolod.mn

ЧОЙ