Элдэв дуулианы эзэн мисс Э.Сэлэнгэ эх орондоо суурьшиж, нам гүм амьдрахыг хүсч байгаагаа олонд зарлаад нэг их удаагүй. Хэсэг хугацаанд хийж бүтээснээ тайлагнаад цахим ертөнцийнхнийг “тайван” байлгасан тэрбээр дахиад л дэггүйтэж эхлэв бололтой.
Хилийн чанадад олон жил амьдарсан тэрбээр энэ хугацаанд юу эсийг үзэх вэ дээ. Тэгээд ч царайлаг, нуруулаг, чадварлаг модель бүсгүйд шоу цэнгээн, үдэшлэгийн урилга тасардаггүй л байсан байлгүй.
Тэгвэл багагүй хугацаанд дуулиан дэгдээлгүй “тэссэн” мисс бүсгүй энэ удаа өөрийнхөө нэлээд “ноцтой” зургийг олонд дэлгэлээ. Тодруулбал, нэгэн үдэшлэгийн үеэр “эрх чөлөөгөө эдэлж” буй зургаа цахим хуудсандаа нийтэлж, “надаас хамаарахгүй зүйлс” хэмээн тайлбарласан байна.
Даруухан байна гэдэг угаасаа Сэлэнгээгийн стиль биш бололтой. Сурсан занг сураар боож болдоггүй гэдэг л энэ байх даа.
www.mnews.mn
